الحضري خسر كتير بسبب عيد ميلاد زوجته

بالبلدى

حصلت لي حالة من الحزن والاستفزاز لما كنت قاعد علي القهوة وشفت صور صابرين زوجة حارس مرمي مصر عصام الحضري ومش أنا بس اللي حصلي حالة الحزن والاستفزاز بسبب صور زوجة الحضري وهي لابسة فستان جرئ حبتين فقد زعل القهوجي اللي في القهوة لما سألني القهوجي مين الفنانة اللي بترقص دية مع عصام الحضري فقلت للقهوجي دي السيدة صابرين زوجة الحضري وقاللي القهوجي هية مش زوجة الحضري كانت لابسة حجاب قبل كدة من سنتين تلاتة.
فقلت لعبد النبي القهوجي أيوة ياعبدالنبي مرات الحضري كانت لابسة حجاب ولما سافر الحضري للاحتراف في سويسرا خلعت الحجاب أعتقد أن الحضري خسر كثيراً بنشره لصور عيد ميلاد زوجته التي ظهرت فيها بفستان يشبه فساتين نجمات مهرجان القاهرة السينمائي.
فقاللي صاحبي عبدالنبي القهوجي.
هو الحضري عايز إيه أكتر من اللي هو فيه فلوس وعنده ملايين وشهرة ومجد حققه مع منتخب مصر لم يحققه أي حارس مرمي في تاريخ مصر ولعب لأكبر اندية مصر هي أندية الأهلي والزمالك والإسماعيلي وبالتالي هو لا يحتاج إلي مثل هذه الصور للفت الأنظار إليه، ولو حتقول زي الاخ متعب وخطيبته يارا أن دي حرية شخصية ودية حياتنا الخاصة أقول لكم انت ومتعب حريتكم الشخصية دية خلوها في البيت بدون تصوير.