أزمة المسطول اتحلت بفرش حشيش

بالبلدى

زي ما وعدتكم الأسبوع اللي فات إن صاحبي المسطول إللي مابقاش مسطول هيرجع لكم تاني مسطول بعد أن فرجها ربنا عليه بربع فرشة حشيش يقدر يضربها ويتسطل بيها بعد أزمة الحشيش واختفائه وارتفاع أسعاره إلي أرقام فلكية، وذهبت لصديقي المسطول بعدما عمل اصطباحة بصاروخين حشيش محترمين فقلت للمسطول صاحبي إيه رأيك في كأس العالم؟ فقاللي المسطول ده أسوأ كأس عالم شفته من سنة 1978.. كل الفرق الأفريقية والعالمية.. اللي شجعتها خرجت من البطولة.. خد عندك الفرق الأفريقية الخمسة باستثناء غانا خرجوا كلهم من الدور الأول وخد عندك كمان الأرجنتين والبرازيل وفرنسا إللي كنت باشجعهم برضوا خرجوا من البطولة فقلت لصاحبي المسطول انت نحست الفرق الأفريقية وخلصت علي كل الفرق الكبيرة اللي شاركت في كأس العالم.
فقاللي المسطول مش أنا لوحدي اللي نحست الفرق ده تقريبا الشعب المصري كله كل ما يشجع فرقة في كأس العالم تتغلب وتخرج.. يبقي الشعب المصري ده شعب منحوس.