الضحية: جرجس نزلني من فوق الحمار ومقدرتش أهرب منه علشان جسمه كبير

انفراد.. نص التحقيقات في قضية اغتصاب الطفلة المسلمة علي يد الشاب المسيحي

· والد الضحية : الجاني زنق علي بنتي بالتريسكل وبعدين اغتصبها وأنا كنت في الغيط وقتها
أشتعلت الاجواء في الصعيد بعد اتهام شاب قبطي يدعي جرجس بارومي باغتصاب طفلة مسلمة تدعي يسرا عبدالوهاب، امتدت شرارة الفتنة الطائفية من أبوتشت إلي فرشوط وانتهت بمذبحة الأقباط بنجع حمادي التي راح ضحيتها 6أقباط ومسلم أثناء الاحتفال بعيد القيامة المجيد، الاحتقان الطائفي بلغ مداه رغم ان القضية ما زالت رهن التحقيقات، المثير أن المحامين الموكلين بالدفاع عن المتهم تنحوا عن القضية واحدا تلو الآخر حتي ذهب أشرف إدوارد المحامي من القاهرة إلي جنوب الصعيد ليدافع عن المتهم الذي لم تثبت التحقيقات حتي الآن إدانته أو براءته، أوراق التحقيقات جري التعتيم عليها إلا أننا استطعنا الحصول علي تحقيقات النيابة مع الطفلة ووالدها والشاب القبطي المتهم باغتصابها وننشرها لأول مرة في القضية رقم 5601لسنة2009 فرشوط ورقم 1755لسنة2009 كلي شمال قنا..
حققت النيابة مع والد الطفلة واستمعت الي المتهم وكان نص التحقيقات كالتالي :
النيابة ناظرت المتهم ووصفته بأنه شاب في بداية العقد الثالث من عمره متوسط الطول، ضخم البنية حليق اللحية، خفيض الشارب، ذو شعر أسود كثيف ، اسمر البشرة يرتدي الملابس البلدية وبمناسبة تواجده أمامنا شرعنا في استجوابه وكانت تفصيلات اجابته بالآتي :
النيابة : اسمك وسنك وعنوانك؟
جرجس : اسمي جرجس بارومي جرجس بارومي، 21 سنة من الكوم الأحمر مركز فرشوط بقنا وحاصل علي دبلوم زراعة واعمل موزع فراخ ولا أحمل تحقيق شخصية
النيابة : وما قولك فيما هو منسوب إليك من انك متهم بمواقعة المجني عليها علي النحو المبين بالأوراق وكان ذلك بغير رضاها
جرجس : الكلام ده محصلش
النيابة : ما الذي حدث بإذن وما هي ظروف ضبطك واحضارك؟!
جرجس : اللي حصل إن أنا كنت راكب التروسيكل بتاعي وواقف قدام المزلقان بتاع القطار بفرشوط وبعدين لقيت ست ومعاها بنتها الصغيرة جايين ناحيتي وبعدين لقيت الست الكبيرة مسكت فيا ولمت عليا الناس وبعدين لقيت الناس خدوني علي المركز وبعدين جابوني علي هنا وده كل اللي حصل
النيابة : متي وأين حدث ذلك؟
جرجس : الكلام ده حصل النهاردة حوالي الساعة 2 بعد الظهر عند مزلقان فرشوط
النيابة : وما سبب تواجدك بهذا المكان؟
جرجس : أنا كنت راكب التروسيكل بتاعي ومستني المزلقان يفتح عشان أنا موزع فراخ علي البلاد اللي في فرشوط ونواحيها
النيابة : من كان برفقتك آنذاك؟
جرجس : أنا كنت لوحدي وكان فيه ناس كتير في الشارع بس معرفش حد فيهم
النيابة : وماقولك فيما قررته المجني عليها بالتحقيقات من انك تقابلت معها في الطريق المؤدي إلي قرية الشقيفي وقمت بسؤالها عن اسم والدها؟
جرجس : الكلام ده محصلش
النيابة : هل لديك أقوال أخري؟
جرجس : لا
أما الطفلة فقد سألتها النيابة عن تفاصيل ما حدث معها وكان نص التحقيقات كالآتي :
النيابة : ما تفصيلات واقعة التعدي عليكي؟
الطفلة : أنا كنت جاية من أبوتشت علي فرشوط عشان اشتري شوية حاجات وكنت راكبة الحمارة بتاعتنا وأنا راجعة علي أبوتشت قابلني واحد راكب تروسيكل محمل عليه أقفاص ووقف قدامي وقلي انت بنت مين وأنا مردتش أرد عليه ومشيت وبعدين لقيته جاي ورايه ووقعني ونزلني من علي الحمارة ونام فوقيه وعمل معاية قلة أدب ولما لقاني بأصرخ جري وأنا روحت علي البيت وحكيت لأبويه وأمي فخدوني وطلعوا بيه علي فرشوط لغاية ما قابلنا اللي عمل معايا كده وأنا شاورت لهم عليه ومسكوه وروحنا علي المركز وده كل اللي حصل
النيابة : متي وأين حدث ذلك؟
الطفلة : الكلام ده حصل النهاردة حوالي الساعة 10 عند الكوبري الغربي اللي رايح للكوم الأحمر بفرشوط
النيابة : وما سبب تواجدك بذلك الزمان والمكان؟!
الطفلة : أنا كنت راجعة من فرشوط بعدما اشتريت شوية حاجات للبيت
النيابة : من كان برفقتك آنذاك؟
الطفلة : أنا كنت لوحدي
النيابة : ومتي تحديدا تقابلت مع المتهم قبل التعدي عليكي؟
الطفلة : هو قابلني في الطريق قبل ما يتعدي عليه علي طول
النيابة : هل ثمه حوار دار بينك وبينه؟
الطفلة : أيوه
النيابة : وما مضمون ذلك الحوار؟
الطفلة : هو في الأول قالي انت بنت مين فأنا مردتش عليه ومشيت ولما مشي ورايه وقفني تاني وقالي انت بنت مين جاوبته وفي الوقت ده هو نزلني علي طول من فوق الحمارة وقام نام فوقيه علي الارض وعمل معايا قلة أدب
النيابة : وماهي الحالة التي كان عليها المتهم وقت ذلك «أفهمناها»
الطفلة : هو كان راكب علي تروسيكل ولابس جلابيه فوقيها جاكت ولما سألني تاني مرة نزل من علي التروسيكل وكان واقف جنب الحماره اللي أنا ركباها
النيابة : وهل شاهدكما أحد أثناء ذلك؟
الطفلة : لا
النيابة : وماهي الافعال التي أتاها معكي المتهم الأول؟
الطفلة : هو نومني علي الارض بعدما نزلني من فوق الحمارة وخلعني البنطلون اللي كنت لابساه والبنطلون التاني اللي تحته وعمل معايا قلة أدب.
النيابة : ألم يبدر منك حال ذلك ثم مقاومة أو استغاثة «أفهمناها»؟!
الطفلة : أنا كنت بصرخ ولكن هو كان كبير ومكانش حد في الطريق ومفيش حد كان سامعنا
النيابة : وما هو وصف المكان الذي حدث عليه التعدي عليكي؟
الطفلة : هو طريق أسفلت رايح من فرشوط علي أبوتشت وتعدي عليه عربيات
النيابة : وما هو طبيعة ذلك المكان من حيث المارة ساعة الواقعة؟
الطفلة : هو الطريق مبيعديش فيه ناس كتير وساعة اللي حصل مكانش فيه حد في الطريق
النيابة : وهل قام المتهم بمواقعتك «أفهمناها»؟
الطفلة : أيوه
النيابة : كم عدد المرات تحديدا
الطفلة : مرة واحدة
النيابة : وهل اقترن ذلك التعدي بتهديد أو إكراه؟
الطفلة : لا هو وقعني من علي الحمارة علي الارض وعمل قلة أدب
النيابة : وهل كان المتهم يحمل ثمه أسلحة ظاهرة آنذاك؟
الطفلة : لا
النيابة : وماهي الفترة الزمنية التي استغرقها المتهم في التعدي عليكي جنسيا؟
الطفلة : أنا مقدرش أحدد بس هو مطولش
النيابة : وهل كان ذلك التعدي الجنسي برضاك؟
الطفلة : لا ده كان غصب عني
النيابة : هل لديك أقوال أخري؟
الطفلة : لا
من ناحية أخري أكد أشرف إدوارد محامي الشاب القبطي أن المتهم بريء وحالته النفسية سيئة وأنها قضية أمنية أكبر من كونها قضية جنائية ووعد إدوارد بتفجير مفاجآت في الايام القادمة في قضية فتاة فرشوط وأشار إلي أنه أجري اتصالا تليفونيا بالانبا كيرلس في بداية القضية لحضور التحقيق ولكنه لاحظ أن العديد من المحامين اعلنوا انهم سيتولون الدفاع عن المتهم وهو ما لم يحدث