سبحان الله اللي حصل في الجابون زي مايكون سيناريو إلهي ورسالة إلي جمال «بونجو» مبارك سابقا. وهذه الرسالة التي جعلت التوريث يحصل في الجابون جعلتني أذهب مضطرا إلي صديقي المسطول اللي كان واخد أجازة في شهر رمضان وقلت لصديقي المسطول ياتري اللي حصل في الجابون هيحصل في مصر فقالي صديقي المسطول استني علي الأول لما أضرب الصاروخ وأعمل الاصطباحة وبعدين أرد عليك واستنيت صديقي المسطول لما خلص الصاروخ ونظر لي صديقي المسطول وقاللي أيوه اللي حصل في الجابون في موضوع التوريث حيحصل في مصرومفيش حد حيقدر يفتح بقه وده لأن الشعب المصري شعب عايش وميت في وقت واحد وياريته كان شعب مسطول كان ممكن يفوق لكن للاسف الشعب المصري كما قلنا شعب ميت ولذلك صديقي المسطول بيقول لجمال مبارك مبروك عليك ركوب كرسي الرئاسة وياريت تغير اسمك إلي جمال بونجو بدلا من جمال مبارك وذلك لأن عمر بونجو له الفضل الأول في كتابة سيناريو التوريث في الجابون ومصر في وقت واحد.