حسن الرداد بعد حزن طويل يحتفل بعيد ميلاد شقيقته معلقا " أختي وبنتى ونور عينى " "صور"

أحتفل الفنان حسن الرداد بعيد ميلاد شقيقته نيبال الرداد، علي طريقته الخاصة بعد نشر صورة لهما معا عبر حسابه على موقع التواصل الإجتماعى فيس بوك، ليقوم حسن الرداد ايضا بتفعيلها كصورة للبروفايل الخاص به.
حسن الرداد وشقيقته
وكتب عليها حسن الرداد معلقا " أختي وبنتى ونورعينى، كل سنه و انتى طيبة وعقبال مليون سنه كلهم سعادة و صحة و أيام جميلة يا حبيبتى، ربنا يخليكى لى ويحقق لك كل اللى بتتمنيه".
وعقب نشر حسن الرداد لصورته مع شقيقته حصل علي الكثير من الاعجاب والتعليقات، التي اشادت بهم مهنئة نيبال بعيد ميلادها متمنين لها الصحة والسعادة ودوام المودة بينهما.
بوست حسن الرداد
ويعد ذلك الاحتفال هو الاول بعد فترة حزن طويلة عاشها الفنان حسن الرداد بدأت بوفاة والدته ثم حماه النجم سمير غانم وحماته النجمة دلال عبد العزيزوالتي اوصته من قبل خلال استضافتها فى لقاء تليفزيونى قديم بإحدى الفضائيات قائلة "حسن مش محتاج توصية لأن حسن ابن ناس وفاهم الأصول كويس أوى وهو عارف واخد مين وبيحبها وبيحب العيلة كلها واحنا كمان بنحبهم".
وتابعت "دايما دعوتى ليهم ربنا يخليهم لبعض ويهدى سرهم ويكفيكم شر عيون الناس ويكفيكم شر ولاد الحرام.. أنا بعامل حسن من قلبي وبحب.. لأن أولا اشتغلت مع حسن قبل ما اشتغل مع إيمى فى مسلسل ابن الأرندلى من 2009 وبيبقى قلبى عليه وهو بيشتغل.. هو وإيمي عندهم كيميا في الفن .. هو فنان وجميل وموهوب سونسون حبيبي".
حسن ودلال
ورد حسن الرداد قائلا :"عمري ما حسيت أنها حماة هى أم.. عمري ما شفت منها غير كل حاجة طيبة ودايما لو في حاجة بينى وبين إيمي هي على طول بتيجى معايا وبشوف إنه رزق غير إن ربنا يرزقك بزوجة كويسة يرزقك إن أهلها يبقوا كويسين".
حسن وشقيقتة ووالدته

للاطلاع على أبرز وأهم الأخبار والأحداث يرجى الاشتراك بالصفحة الرسمية لموقع صوت الأمة.. اضغط هنا