خلال افتتاح الدائري الإقليمي.. الرئيس السيسي يوجه بتشكيل لجنة لتقييم الطرق القديمة

وجه الرئيس عبد الفتاح السيسى، بتشكيل لجنة لتقييم مدى كفاءة الطرق القديمة الموجودة بالمحافظات، وأمهلها شهرا لتقديم تقرير حول ذلك.
وقال الرئيس السيسى، خلال كلمته بفعاليات افتتاح مشروع الطريق الدائرى الإقليمى وعدد من مشروعات محاور النيل والطرق والكبارى "نحتاج للجنة لتراجع شبكة الطرق القديمة، ومدى كفاءتها على تضم الإسكان والنقل والهيئة الهندسية للقوات المسلحة والكلية الفنية والرقابة الإدارية، وخلال شهر تقول لنا احنا فين والتكلفة كام".
وأضاف "ما تحدثت عنه اليوم كان بهدف الجودة والكفاءة، وأن لا يكون هناك شىء يعكر علينا شىء.. وقد تحدثت عن التعديات، وكذلك المياه، وورد النيل بالترع والأعشاب التى تستهلك الكثير من المياه ولا بد من إزالتها من خلال المحافظات ووزارة الرى ".
وتابع الرئيس " لا يمكن أبدأ لمسئولى الحكومة والمحافظين وكذلك الأهالى السماح بهذا الحجم من الزراعات التى تستهلك كميات كبيرة جدًا من المياه، ولا نستفيد منها بشيء.. نحن نتحدث عن أكثر 50 ألف كيلو من الترع والمصارف فى مصر.. علينا الاهتمام بالترع وجسور الترع.. ومن زمان كان يتم ذلك سنويًا لتظل شبكة الرى والصرف بكفاءة عالية".
وواصل :"إحنا شافينكم وانا منكم وكنت عايش فى الحاجات دى كويس، وواللجنة مكلفة بمراجعة الكبارى التى تجاوز عمرها ال 10 سنوات للتأكد من مدى سلامتها"، موجهًا بضرورة انتهاء الدائرى الأوسطى بكل كباريه بحلول 30 يونيو 2019.
وكان الرئيس شدد على ضرورة رفع كفاءة شبكات الطرق بالمحافظات، موجها بالتعامل مع المطبات الصناعية الموجودة بالمحافظات ووصفها ب"المؤذية" التي تعيق الحركة لأن مواصفاتها غير جيدة.

وقال الرئيس اثناء افتتاحه عددا من مشروعات الطرق بعدد من المحافظات عبر الفديو كونفرانس" أنا واخد بالى كويس.. ولو بنتكلم على إن رفع كفاءة شبكة الطرق داخل المحافظات تتطلب 16 مليار، فاحنا عاوزين أكتر من الرقم ده مرة واتنين وتلاتة، حتى يجد المواطن طريقًا مناسبًا.. إحنا واخدين بالنا.. بس حجم المطلوب لرفع كفاءة هذه الطرق ضخم جدًا".
وتابع :"المحافظين هيقولوا لى هنجيب فلوس منين، طيب وأنا بجيب فلوس منين؟..طيب اللى بيتعمل ده منين.. كل ما نقوم به فى شبكة الطرق ليس بجديد، ولم نخترع العجلة، وفيه ناس كانت بتشتغل قبل مننا بس الفكرة هيتعمل ازاى ويتصرف عليه إزاى؟.. إحنا معانا فلوس زيادة فبنعمل طرق؟.. إحنا عاملينها عشان المسابقات؟.. لا عشان ناخد مكانًا بين العالم المتقدم ولإعلان قدراتنا فى الاستثمار، وسمعنا كلام كتير خلال ال 5 سنوات الماضية لكن عارفين إنه مع الوقت الناس هتعرف اللى بتيعمل هيودينا لفين، وسيعرفون إذا كان ما كان ذلك أو حاجة ضرورية لخلق فرص عمل لعدد سكان وصل ل 100 مليون".
وأضاف:"نحتاج داخل المحافظات لعمل مسابقة للطرق ونأخد 3 أو 6 شهور ونشوف المحافظات هتساعد نفسها ازاى عشان يعرفوا إن مفيش حاجة بتتعمل كدا، وكل واحد يعرف هو فين من الطرق، ولو قصرنا.. إنتوا كمان هتقصروا مع محافظتكم؟".