السيسي: السادات اتخذ قرار السلام لأنه «كان شايف اللي محدش شايفه»

قال الرئيس عبد الفتاح السيسي، إن القوات المسلحة تضحي الغالي والنفيس من أجل الوطن، موجها رسالة للمصريين أوعوا تسيبوا حد ياخد البلد والقوات المسلحة للحتة دي، وكلنا واعيين وكلنا خايفيين علشان اليوم دا ميتكررش تاني، وعلينا الاستفادة من الدروس من الحالة التي عاشتها البلد، والبناء عليه.
وأضاف السيسي، في كلمته بالندوة التثقيفية للقوات المسلحة في ذكرى عيد تحرير سيناء ال 36، أن القرار بمنتهى القوة الذي أتخذ لحرب 73 لم يكن هناك أحد في المنطقة يقبل بمعاهدة السلام التي طرحها السادات، لأنه تشكل الوجدان على العداء لإسرائيل، ولكن مكنش حد شايف اللي كان شايفه السادات، وكان لوحده وعند ثقة في ربه لأجل خاطر يحافظ على بلده ويستعيد أرضه، ومكنش فيه كتير مؤمن بفكرة السلام نفسها.
وتابع السيسي: «يا مصريين التحدي اللى موجود قدام مصر هو تماسك الدولة المصرية، والتحدي داخلي مش خارجي، وهو إزاي تموتوا بعضكوا وتاكلوا بعضكم، ولازم نفضل حكومة ومواطنين وشعب ومثقفين وإعلاميين، إذا كنتم خايفين على بلدكم بجد».
وكان الرئيس عبدالفتاح السيسي، رئيس الجمهورية، وصل إلى مقر انعقاد الندوة التثقيفية للقوات المسلحة، منذ قليل، وذلك بمركز المنارة للمؤتمرات بالتجمع الخامس، وذلك فى ذكرى عيد تحرير سيناء ال 36.