خبط بالعقل.. زغرطي يا انشراح الطعمية بقت «جرين برجر».. «يا سنة سوخة يا أولاد» دعارة وقوادين بالنظام القطري.. الثانوية العامة وعميلها.. انتحار طالبة بسبب قلة المجموع.. للتخلص من لعنة الترامادول «متفكرش فيه»

زغرطي يا انشراح الطعمية بقت «جرين برجر»
فاكرين يا عيال زمان كنا بنستى يوم الجمعة بفارغ الصبر عشان نتجمع كعائلة كدة على السفرة ونفطر مع بعض..أشي فول وأشي باذنجان وبطاطس محمرة وعجة وبيض مسلوق ومقلي وأهم حاجة بقي الطعمية.. اسكتي مش الطعمية مباقتش طعمية.. يعني إيه الطعمية مبقتش طعمية؟ أه والله بقت «جرين برجر».. جرين إيه؟.. جرين برجر..
وكانت الصدمة الكبيرة التي خيمت على الشعب المصري، إنه طول عمره بياكل الطعمية السخنة عادي يعني وهو ميعرفش أنها أسمها «جرين برجر»..
المهم بقى أن أصحاب المحالات هيستغلوا ده أكيد.. وهيغلوا سعر السندوتش أصلها طلعت مش أكلة مصرية دي في باسمها «برجر».. يعني حتي الطعمية مش هيدقر ياكلها غير الشديد الأقوي والأغنياء..
المهم بقي هاتي طريقتها من على النت وأعملي «جرين برجر» في البيت.. ومتقوليش لولادك أنها طعمية عشان دة اسم الفقراء.. أمركم عجيب والله أيها المصريون الطعمية بقت «جرين برجر».. رايحة بينا على فين مصر..
دعارة وقوادين في النظام القطري
قطر وما أدارك من وما هي قطر.. انهاردة وأنا بفتح إحدى المواقع الإخبارية الكبرى لقيت الخبر ده.. بالأسماء.. قطر بيت «الدعارة العربي».. مصادر بالمعارضة القطرية: حمد بن جاسم قواد فتيات الليل الأجانب.. حمد بن خليفة شريكه بتجارة «الرقيق الأبيض».. والنظام الأميرى يتغاضى عن تحرش الجنود الأتراك بالقطريات.. خبر يجبلك قشعرة في الجسم كله.. يعني نظام قطر كله «معرضين» أوي لا فارق معاهم ربنا ولا أي حاجة في الدنيا..الكرسي ثم الكرسي ثم الكرسي.. دعارة يا قطر.. إزاي؟
لا زيادة في أسعار الخبز
هو لازم ترعبونا عشان تطمنونا.. من كام يوم كده طلع ناس غريبة بتقولك العيش هيغلي وكلام فارغ من دة.. بس الحكومة أعلنت النهاردة تثبيت سعر رغيف الخبز المدعم ب 5 قروش للمواطن.. وكل ده لمواجهة تلاعب المخابز بتحرير سعر الدقيق لوقف الدعم المهدر.. القرار يوفر 8 مليارات جنيه.. والغلق عقوبة المخالفين حالة التلاعب بالسعر أو الوزن.. يعني هتلتزم هتلتزم عشان أي تلاعب هيبقى في قطع عيشك.. بس يارب بجد العقوبة دي تنفذ عشان نقضي على جشع التجار..
الثانوية العامة وعميلها.. انتحار طالبة بسبب قلة المجموع
بعد ما سلاح الأمة المصرية «الشبشب» كان السبب في نجاح نسبة كبيرة كان برضوا السبب في سقوط أعداد كبيرة.. وعشان كده في عيال انتحروا بسبب قلة المجموع.. وحاجات كده بقينا متعودين نشوفها كل سنة..المهم بقى إلى طالب الثانوية العامة وولى أمره.. إوعى المجموع يهزك.. لا تعبد الأصنام ولا تنخدع بأكذوبة كليات القمة.. ولا تحزن أيا كان مجموعك فكلها أوهام.. في الأخر هتتخرج من تجارة مش هتشتغل محاسب ممكن تشتغل سواق تاكسي أو بياع في محل..عادي يعني.. المهم أعرف مين تطور نفسك..

متفكرش فيه للتخلص من لعنة الترامادول
نصيحة علي الماشي.. عاوز تبقي صحتك في الأمان وتبقي مركز نهار مع ليل؟ أكيد.. طب أضرب دي.. إيه دي بقى؟ دي الحباية الحمرا اللي هتجبلك من الآخر.. قشطة عليك..
تقريبا الموضوع بيبدأ كده بعرض من صاحبك لحباية ترامادول عشان تبقي مصحصح ومركز ومتنمش.. مش كدة ولا إيه؟ طيب بعد ما وصلت لمرحلة الإدمان هتخف إزاي؟
التخلص من لعنة الترامادول يبدأ من الأتي.. سحب السموم من الجسم.. قتل الرغبة الداخلية لتناول الترامادول.. وعلاج المشاكل النفسية المترتبة على أثر إدمانه.. اقعدوا بالعافية.