شركات الأنترنت تغلق بروتوكول التحكم في سيرفر الخدمات

كشفت صفحة «ثورة الإنترنت»، على فيس بوك، أن الشركات مقدمة خدمة الإنترنت في مصر أغلقت بروتوكول (SSH)، الذي وصفوه بأنه الأهم والوحيد للتحكم في سيرفرات خدمة الإنترنت، مشيرة إلى أن ذلك حدث دون إخطار للشركات، وأن ذلك يؤدي لإغلاق مصدر دخل بالدولار.
‫وكتبت صفحة ثورة الإنترنت على فيس بوك "فضيحة.. شركات الإنترنت في البلد قفلت أهم بروتوكول (SSH) والوحيد للتحكم في سيرفرات خدمة الإنترنت لأسباب غير مفهومة".
وقالت "دي بالضبط زي ما تكون منعت تداول الحديد في السوق مع أن الناس محتاجاه علشان تبني وتصنع العربيات والثلاجات، حاول تتخيل لو عملنا حاجة في شبكة الكهرباء تمنع أي خلاط يشتغل، إيه تأثير ده على محال العصير؟ وده حصل بدون حتى إخطار للشركات يبقى أنت بتقتل صناعة بأكملها وبتقول لكل الناس دي إنها لازم تسافر وتشتغل من برة، أنت كده بتقفل مصدر دخل بالدولار وبعدين تستغرب أن الرصيد بيقل!!!".
وأضافت "ده معناه إن فجأة أغلب الشركات اللي شغالة في البرمجة تقفل، حركة شبيهة بقطع الإنترنت سنة 2011 اللي دمرت صناعة ال Call Centre Outsourcing بعد ما كنا بنافس الهند على المركز الأول عالميًا، ولسة مش عارفين هل دي خطوة علشان كل المعلومات تبقى جوا مصر فيسهل التحكم والحجب ولا علشان نوفر عملة ولا واحد مش فاهم حاجة كان بيلعب في الFirewall وبوظ حاجة".