"ثورة الانترنت" تعلن عودة صفحتها الرسمية متهمة شركات المحمول بالتسبب فى إغلاقها

أعلن أحمد عبد النبي مؤسس حملة "ثورة الإنترنت"، أن الصفحة قد عادت بعد إغلاقها لمدة يومين من قبل إدارة "الفيسبوك".
وقال عبر تدوينة على الصفحة الرسمية للحملة: "الحمد لله الصفحة رجعت بعد توقف يومين من إدارة الفيس بوك وإحنا متأكدين ان ده بسبب شركات الاتصالات في مصر".
وتابع بعد إرسال تظلم لإدارة الفيس بوك وقبوله رجعت الصفحة.
"Hello، بعد مراجعة طلبك، تم نشر صفحتك ثورة الانترنت - Internet Revolution Egypt، يعني هذا أنه يمكن عرضها بشكل عام.
وكان أعلن عن إغلاق الصفحة الخاصة بالحملة لثاني مرة على موقع "فيس بوك"، وكتب تدوينة عبر حسابه الشخصي قال فيها: "نفس السيناريو يتكرر لتاني مره وقبل الفاعلية ب يوم واحد واكونتات الادمنز تتقفل والصفحه اتقفلت والايفينت اتمسح، بس للاسف المره دي بنسبه كبيره الصفحه هتتمسح الا لو الفيس بوك قبل الطلب!".
وتابع: "مش لاقي اي مبرر ان يحصل كده معانا ومش حاسس اننا بنعمل شئ غلط.. ولو ده الغلط يبقي فين الصح ؟؟ اه الامن متابعنا وشرفت مرتين امن الدوله بس مفيش علينا غلطه واحده تخلينا نتحاسب , الا لو ممنوع انك تطالب بحقك في مصر".
وقال: "اللي بيحصل ده أكد لي اننا كشباب مؤثرين فعلاً وعاملين دوشه وازعاج للكبار ,كمان اتاكدت اننا لينا حق بس اكيد كنا هناخده لو في دوله غير مصر او عندنا مسؤلين بيهتموا بحق المواطن المصري وبيشتغلوا ليل ونهار عشان خدمته ورضائه ".
وأضاف: "المره دي اتمنعنا اننا نعمل ايفينتات واحتمال الصفحه تتقفل ودي تاني مره والله اعلم مستخبيلنا ايه.. بس سؤال هو ده اخركم ؟ ما الايفينتات ممكن تتعمل من هنا وممكن من صفحه تانيه.. بسيطه يعني !!في النهايه لو الصفحه اتقفلت ف هيبقي كل شغلي الفترة القادمة أني أمشي من البلد دي إذا محصليش حاجة طبعًا".