رئيس الزمالك ل«كوفي»: «مكتبي مفتوح قدام اللاعيبة كلها»

عقد مرتضى منصور رئيس نادي الزمالك، جلسة خاصة مع البوركيني محمد كوفي نجم الفريق الأبيض، تم خلالها تصفية الأجواء تمامًا، وحل ازمة مستقات اللاعب الإفريقي التي حدثت مؤخرًا.
وقال رئيس نادي الزمالك في حديثه مع كوفي «انا كنت موجود في الصالة من 3 ايام.. وحسيت انك مش مبسوط وقتها.. وفي نفس الوقت قولتلك يا كوفي انت عندك مشكلة ولا ايه.. ورديت عليا قولتلي لأ.. وقولت ان المشكلة في بلدي بس».
واضاف «لما انت عندك مشكلة يا كوفي ما قولتش ليه وقابلتني.. اي لاعب بيبقى عنده مشكله بيجيلي وبنحلها زي حمادة طلبة وحازم امام.. اللي اتحلت مشكلتهم على طول لما قابلوني.. انا فاتح مكتبي لكل اللعيبة.. لما يكون فيه عندك مشكلة نفسية او مالية لازم تيجي تقولي ونشوف حل ليها».
واختتم «عندي لاعب عمل مشكلة كبيرة رغم انه لاعب دولي بيلعب في منتخب بلاده.. لاعب محترف بيلعب في نادي كبير هو نادي الزمالك.. فجأة ماحضرش التمرين.. ما رضيش ياخد فلوسه من الخزنة وقفل تليفونه.. وكمان رفض انه يسافر مع الفريق في مباراغة هامة بنيجيريا.. هل فيه لاعب دولي يتصرف نفس التصرف؟».