كلهم خانوك يا شعب مصر

بدأ مولد انتخابات رئاسة الجمهورية لجمهورية مصر العربية
بدأ مولد انتخابات الرئاسة مع أنه لحد هذه اللحظة الرئيس اللي عايزاه الناس لم يولد ومع احترامي لكل المرشحين المحتملين لرئاسة الجمهورية إلا أن أغلبهم لا يصلحون لرئاسة مصر وشعب مصر الشعب البسيط الغلبان الشقيان.
شعب مصر عايش بقاله سنة من غير رئيس من لحظة تنحي الرئيس السابق مبارك بعد ثورة 25 يناير ورغم قيام الثورة بتنحية وخلع مبارك الا أنه للاسف الشديد مازال يحكمنا مبارك من خلال نظامه ورجاله اللي لم يسقطوا، وأكبر دليل ان مبارك ونظامه لم يسقطوا هو الحكم الذي صدر في قضية التمويل الأجنبي ومساعدة المتهمين الامريكيين بالافراج عنهم وسفرهم الي أمريكا ولسه القضية شغالة والافراج عن الأمريكيين كان بأمر المجلس العسكري اللي بيحكمنا ويتحكم فينا لصالح الرئيس السابق مبارك.
زهقنا وتعبنا وقلنا بدل المرة مائة مرة إن المشير طنطاوي ومجلسه العسكري اللي عينهم مبارك وأكيد ولاؤهم وموقفهم حيكون مع رئيسهم اللي عينهم وبرضه كتبنا قبل كده وقلنا إن المشير طنطاوي ومجلسه العسكري همه الفلول وما حدش صدق مرة ثانية وثالثة حأقول ان الثورة اتسرقت بعدما نجحت.
الثورة اتسرقت من الاخوان المسلمين والسلفيين اللي سرقوها وركبوا عليها ودخلوا مجلس الشعب، الثورة اتسرقت من المشير طنطاوي ومجلسه العسكري اللي ضحكوا علي الثوار وفهموهم انهم معاهم وهمه مش معاهم لانهم مازالوا يدينون بولائهم لرئيسهم اللي لسه رئيسهم لحد دلوقتي وأكبر دليل اللي حصل في قضية التمويل الاجنبي وزي مبارك ما كان عميل للإسرائيليين والأمريكان المشير طنطاوي برده عميل للا مريكان ولك الله يا شعب مصر اللي ينطبق عليه جملة "ريشتارد قلب الاسد " عندما قال " كلهم خانوك يا ريتشار " ، وشعب مصر دلوقتي تنطبق عليه " كلهم خانوك يا شعب مصر "