فطار رمضان.. أرانب مشوية مع نجرسكو الدجاج

• الأرانب المشوية
المقادير:
1 أرنب (مقطع 6 اجزاء)
كوب عصير (برتقال بالجزر بدون سكر)
1 معلقة صغيرة زعتر
معلقة صغيرة ملح
معلقة صغيرة فلفل اسود مطحون
¼ كوب زيت زيتون
الخطوات:
1- نضع كل المكونات في طبق كبير ماعدا الأرنب.
2- نضع قطع الأرنب في صوص التتبلية ونغطيها بورق البلاستيك.
3- نترك الخليط يمتزج لمده ما بين 30 دقيقة وساعة.
4- نسخن الشواية (درجة حرارة متوسطة) و هنضع الزيت عليها لكي لا يلتصق الأرنب.
5- نضع قطع الارنب على الشواية و نسيبه يستوي ما بين 10 و 12 دقيقة لكل جهه و بعدين نرفعه من الشواية عندما يجف الصوص من عليه و يقدم.
• نجرسكو بالدجاج
المقادير:
400 جرام مكرونة (بينى أو أصابع – مسلوقة)
4 صدور دجاج مخلية
4 حبهان
4 حبيبات فلفل أسود كاملة
2 ورق لورا
2 كوب جبنة موزريلا مبشورة
كوب لبن كامل الدسم
بصلة (متوسطة مقطعة أرباع)
كوب كريمة لبّاني
معلقة صغيرة ملح
½ كوب جبنة شيدرمبشورة
½ كوب زيتون اسود مقطع شرائح
¼ كوب دقيق

الخطوات:
1- في حلة على نار متوسطة هنضيف ماء وهنضيف الدجاج والبصل والحبهان والملح والفلفل وورق اللورا ويترك حوالى 40 دقيقة لينضج.
2- هنرفع الدجاج من المرقة وهنصفى المرقة وتترك جانبا.
3- هنقطع الدجاج لمكعبات صغيرة ويترك جانبا.
4- في حلة هنضيف الحليب والكريمة والدقيق و كوبين من مرقة الدجاج وهنقلبهم كويس جدا.
5- هنحط الحلة على النار وهنقلب الخليط بمعلقة خشبية لحد ما يغلى والصوص يتقل.
6- هنسخن الفرن على درجة حرارة 180 مئوية.
7- هنضيف ثلث كمية الصوص على المكرونة ونقلب كويس.
8- هنجيب صينية بايركس عميقة متوسطة وهنضيف نصف كمية المكرونة وعليها هنضيف نصف كمية الجبنة الموزاريلا والشيدر ونصف كمية الزيتون.
9- هنضيف باقى كمية المكرونة وهنصب عليها باقى كمية الصوص وعلى الوجه هنضيف باقى كمية الجبنة والزيتون.
10- تدخل الفرن لمدة 15 دقيقة حتى يحمر الوجه وتقدم ساخنة.

• سلطة الزبادى بالدجاج والذرة
المقادير:
2 معلقة كبيرة نعناع
2 معلقة كبيرة بقدونس طازج مفروم
2 كوب حبات ذرة
2 عدد بطاطس (مسلوقة مقطعة مكعبات صغيرة)
1 كوب صدور دجاج مخلية (مسلوق ومقطع شرائح)
1 معلقة صغيرة فلفل اسود مطحون
كوب زبادي
معلقة صغيرة ملح
¼ كوب مايونيز
¼ كوب عصير ليمون

الخطوات:
1- هنخلط الزبادي بالمايونيز، والملح، والفلفل الأسود، والليمون، والنعناع والبقدونس المفروم.
2- هنضيف حبات الذرة، ومكعبات البطاطس المسلوقة، وقطع الدجاج ويقلب المزيج جيدًا.
3- تقدم سلطة الذرة بالزبادي باردة.