سعاد حسنى تنافس أبوتريكة ومنير على بطولة الفن الشعبى فى 2014

«المصرى كان متعود يطبع أبطاله على جلده وكان بيسميه وشم، بس خلاص بطل يعمل كده دلوقتى، تفتكروا لو رجع يعمل الوشم تانى هيختار مين يكون بطله؟».
بهذه العبارة يقدم وائل عزام مشروعه المنشور على موقعbehance.net، بتصميم لنتيجة العام الجديد، مرصعة بصور 12 بطلا شعبيا.
وائل، مدير قسم الابداع بإحدى شركات الاعلانات، حاول أن يقترب من أسلوب رسم أبطال زمان بطريقة الوشم، «زى الزناتى خليفة والسفيرة عزيزة».
الفن الشعبى أو الفن الفلكلورى، هو إبداع تلقائى ارتجالى فردى، يقره المجموع ويرحب به، ثم تحفظه الأجيال، حتى يصبح من المكونات الثقافية للعقل الجمعى.
بدأ وائل فى إعداد الفكرة فى نهاية شهر نوفمبر من عام 2013، «عشان كدا اخترت فكرة النتيجة، ونشرت الصور فى موقع .behance لأنه أكبر موقع بينشر اعمال الفنانين».
شروط اختيار هذه الشخصيات لخريج كلية الفنون التطبيقية، أن تتصف بالبطولة فى أى مجال، وبدأ وائل بثلاث شخصيات: منير وأبو تريكة والبرادعى.
حاول وائل ان يبعد عن «التحزب» كما يسميه، «مش عايز اروح شمال او يمين عايز ارسم الشخصية الأهم فى مجالها وبس».
حدوتة لما اتحكت طلع الكلام شبابيك
البنت ويا الولد والعسكر والمماليك
كلام له تقل ومعنى مش بس بيغنى
ده الملك هو الملك والباقى دول صعاليك..
بجانب كل شخصية كتب وائل أربعة ابيات تشرح عمل الشخصية، «زمان الفن الشعبى كان عبارة عن رسمه وكام بيت شعر، انا وحدت الطريقة: اربعة ابيات، الثالث فقط ليس على نفس القافية».
الشخصيات التى اختارها وائل، لا تعيش كلها فى عصرنا، «لأن فيه شخصيات رغم مرور الزمن محدش عرف يقلدها أو يحتل مكانها مثل فيروز كل الاطفال فى الافلام والمسابقات بتحاول تقلدها ولكن بتفشل».
شخصيات أخرى علامات فى التاريخ رسمها وائل، «احمد فؤاد نجم الشاعر الوحيد رغم الاختلاف معه لم يغير مبادئه حتى وفاته، وصلاح جاهين، وسعاد حسنى، ويوسف شاهين».
وشخصيات فى وجهة نظر وائل كان لها دور اجتماعى، «زى ام كلثوم هى اللى عملت عادة العائلة تتجمع يوم الخميس، وبتتجمع يوم الاثنين مع برنامج مصطفى محمود».
الشخصيات الحديثة كانت «باسم يوسف، والبرادعى، وابو تريكة، ومحمد منير».
استخدم وائل فى طريقة رسم الشخصيات بعض الحروف اللاتينية، «فى صورة سعاد حسنى»، والسلم الموسيقى، «فى صورة أم كلثوم».
ويشرح وائل، «وضعت أفكارا حديثة مع الطريقة القديمة عشان يكون فيه شكل شعبى حديث، وتعمدت الخطوط اليمنى للرسمة الا تكون مثل اليسرى، واضع نسبة للخطأ والتلقائية».
بدأ وائل يطبع نتيجة 2014، «بالطلب بعدما باسم يوسف شيرها عنده فى تويتر».
لكن وائل يسعى لإصدار كتاب يضم 30 شخصية، «وبفكر انى اعمل صفحة فاضية ورا كل رسمة عشان اللى عاوز يضع الرسمة اللى تعجبه فى برواز، والصفحة الاخرى لنفس الشخصية حتى يتعلم الاطفال التلوين».