قناة الجزيرة تذيع تسريبا جديدا منسوبا ل«السيسي»

عرضت قناة الجزيرة مباشر مصر تسجيلا صوتيا، نسبته إلى الفريق الأول عبد الفتاح السيسي وزير الدفاع والإنتاج الحربي، قال فيه "لجنة الخمسين طففت الميزان وصاغت دستورا خالفت تعاقدها فيه مع الشعب".
وأضاف السيسي، في التسجيل المنسوب له، في حوار له مع الصحفي ياسر رزق:"النهاردة الناس كلها كانت بتقول تعديلات مش أعمل إيه.. دستور جديد اسمع يا أستاذ ياسر عبقرية القرار جاية منين.. ويستكمل عبقرية القرار مش جاية من إن أنا عبقري".
وتابع: "لا من اللي أنا بستلهم منه القرار، هل النهاردة العقد اللي اتعمل.. اللي تم تقديمه للناس في 3-7 كان إيه.. تعديلات على إيه". ويجيب رزق بأنه تعديل على الدستور.
ويقول:"بعد كدة تطفيف في الميزان انت بتطفف ليه في الكيل بتاعك.. انت كان منتهى أملك إنك تعمل تعديلات دستورية ليه لما اديتك إيدي رحت واخد "التانية"، لا أنت كان الأمل كله أن احنا نعمل تعديلات دستورية تخلي هذا الدستور يقدر يبقى منسجم مع المصريين مش كدة يافندم".
وأضاف: "لما جتلك الفرصة تحط الدستور قدامك انت جيت قلت لأ بلاش ده، نعمل واحد جديد ليه بتطفف الميزان أهو دة عبقرية القرار دة عبقرية القرار أن انت متعملوش كدة ليبوظ منك".
وأضاف: "هناك حاجات أخرى كثيرة منها انت طالب مطالب معينة، طالما انت ارتضيت بيها بينا وبين بعض، محدش فينا يلتف حولين منها حتى لو كان اللى قدمنا مش واخد باله إن احنا بنلتف، ليه هيبقى عمل منقوص مطروح منه الخير لإنك انت ضحكت عليا علشان استغليت جهلي".
ولم توضح الجزيرة مباشر، تاريخ توقيت هذا التسجيل، كما أن الحوار كان قبل انتهاء لجنة الخمسين من التعديلات الدستورية، المقرر الاستفتاء عليه يومي الثلاثاء والأربعاء.