نشطاء توتير: «حاسين بعد الخطاب إن سويسرا هتطلب معونة من مصر»

بعد أن علقوا علي ارتداء مرسي وفهمي «بدلة واحدة »

أثار خطاب الرئيس محمد مرسي أمام مجلس الشوري، عشرات التعليقات بموقع التواصل الاجتماعي «توتير»، وقال أحدهم: "الرئيس وأحمد فهمي لابسين نفس البدلة والكرافتة، هي بتتوزع في الحزب ولا إيه؟!!، وعلق آخر قائلاً: "مش معنى أنكم أهل وعشيرة ونسايب، إنكم تلبسوا زي بعض، واحتمال كمان نفس القطونيل!!!.


وتساءل أحد المدونين ساخرًا ب«تويتر»: يعني إيه رئيس مجلس تشريعي يقول كلمته وهو واقف في حضور رئيس جمهورية؟!، وأضاف آخر: المرة القادمة يبقي في تدريب علي الصوت مش معقول الزعيق ده، كفاية الخطاب واللي فيه، وعلق شخص يدعي متولي: هو ليه الزعيق.. ليس بالصوت العالي تقام النهضة، وكتبت الدكتورة شادية متولي: الاستثمار الزراعي الداجني ببني سويف زغرطوا يا ولاد، مرسي هيزرع فراخ، وقالت يسرا سليم: أنا مش عاجبني الخطاب، ينفع أقلب ولا يتهموني بقلب نظام الحكم.


بينما كتبت أميرة أبو المجد: مصر القوية دي بتاعت أبو الفتوح يا مرسي .. أرجوك احترم الملكية الفكرية، وتهكم طارق على فرص العمل قائلا: "25 ألف فرصة عمل + 50 ألف فرصة أخري قالهم في دقيقة واحدة.. إحنا فعلا اللي مش عايزين نشتغل، وذكر آخر: متأكد أن بعد الخطاب ده، الفقرة الزراعية في صباح الخير يا مصر هترجع تاني وبقوة.