جميع لوحات الكاريكاتير للبيع فى هذا المعرض

يفتتح اليوم الفنان التشكيلى محمد عبلة معرض «كاريكاتير مصرى»، الذى يضم أعمال 6 من رسامى الكاريكاتير، وهم حجازى، جاهين، طوغان، زهدى، ومحمد حاكم وعمرو سليم.

«دا أول معرض هايتم فيه التعامل مع الكاريكاتير باعتباره فن تشكيلى، ممكن يتعلق جوا كل بيت». يكمل محمد عبلة مسيرة اهتمامه بفن الكاريكاتير، بمعرضه الذى يفتح أبوابه للجمهور فى السابعة من مساء اليوم، ويستمر حتى 6 نوفمبر.

الهدف الأساسى للمعرض هو تكوين وجه نظر مختلفة عند الناس لفن الكاريكاتير، «هو مش حاجة ساخرة أو سياسية نشوفها فى الجرنال، ولكنه فن ولون وخط، ولوحة لها ثمن»، ولهذا قرر عبلة عرض كل الرسومات فى المعرض للبيع،

«أصل الفن لو مالوش ثمن، محدش ها يحافظ عليه».

كل الأعمال والرسومات الأصلية، تم رسمها على الورق قبل طبعها فى الجرائد، «واضح فيها الشخبطة والتعديلات، ورسم إيد الفنان».

منذ عشرين عاما بدأ عبلة رحلة البحث عن قصاقيص الورق التى تحمل رسومات الكاريكاتير، «بدأت ألف على الجرائد، والفنانين، والعمال فى البوفيهات، اللى كانوا بيجمعوا الرسومات دى».

جزء لا بأس به تمكن عبلة من تجميعه، وجزء أكبر ضاع، «معظم أعمال صلاح جاهين مش موجودة، وفى مجلة صباح الخير اكتشفت انهم تخلصوا من الأعمال الورقية بعد ما نقلوها على سى دى».

كنوز محمد عبلة من رسومات الكاريكاتير، قام بعرضها فى متحف الكاريكاتير، الذى افتتحه عام 2009 فى الفيوم، ويضم أعمالا منذ 1920 وحتى الآن.

ولكن أعمال المعرض ليست من مقتنيات متحف الكاريكاتير، «هى ملك لمجموعة من الأصدقاء، اقنعتهم بعرضها للبيع، عشان الفن يتنقل من واحد للتانى.