مصطفى بكري يطالب ببيان عاجل من وزير البترول: مين المافيا اللي غشت البنزين؟

شن الإعلامي وعضو مجلس النواب مصطفى بكري هجومًا حادًا على من وصفهم ب"العصابة المنظمة" التي تورطت في ترويج بنزين مغشوش بمحطات الوقود، مطالبًا وزير البترول والثروة المعدنية، المهندس كريم بدوي، ببيان رسمي يوضح حقيقة ما يحدث.
وقال بكري، خلال برنامجه «حقائق وأسرار» المذاع عبر قناة «صدى البلد»، إن هناك قلقًا واسعًا بين المواطنين بسبب أعطال متكررة في السيارات ناتجة عن استخدام بنزين غير مطابق للمواصفات، مؤكدًا أن المشكلة لم تعد فردية بل تحولت إلى ظاهرة تهدد أمن المجتمع.
وأضاف: "كل شوية تسمع حد يقولك العربية وقفت، غيرت طرمبة ب 30 أو 40 ألف جنيه. تدخل محطة البنزين مش عارف إذا كنت هتاخد بنزين نضيف ولا مغشوش. دي مش صدفة، دي لعبة! عصابة منظمة حطتلنا بنزين مغشوش، وعايزين نعرف مين ورا ده؟".
ووجّه حديثه للمسؤولين: "أتمنى من المهندس كريم بدوي، وهو راجل محترم، يخرج ويقول لنا إيه اللي حصل. الناس بتاخد البنزين تلاقيه ممزوج بمياه، والعربيات بتقف، والناس بتتضر. فين الرقابة؟".
وأشار إلى أن ما يحدث "اختراق واضح للأمن القومي"، متسائلًا: "مين اللي دخل البنزين ده السوق؟ ومين اللي وراه؟ ومين اللي متواطئ؟ ده مش شغل عشوائي، دي مافيا".
وأكد بكري أن الأمر لا يمكن السكوت عنه، مطالبًا بتوقيع أقصى العقوبات على المتورطين: "اللي عمل كده يستحق الإعدام. لو فيه تشكيل عصابي، لازم يتحاكم محاكمة عسكرية. دي مش جريمة عادية، دي فوضى متعمدة".
وختم تصريحاته بمناشدة مجلس النواب لفتح ملف القضية بشكل عاجل: "دي مش شكاوى فردية، دي قضية بلد. نرجو أن تُفتح في البرلمان ونسمع رد واضح وسريع. الناس عايزة تعرف مين خان الأمانة".