الثانوية العامة.. سهير جودة تعلق على تدوينة سمية الخشاب: استحالة تكون بتتلكم جد

- الفلوس بتيجي بالعلم لازم يبقى في محتوى راقي بالعلم
علقت الإعلامية سهير جودة، على تدوينات الفنانة سمية الخشاب، والتي قالت فيها إن التعليم لا يحدد مصير الإنسان.
وأضافت خلال تقديمها لبرنامج «الستات»، المذاع عبر فضائية «النهار»، مساء الثلاثاء: «سمية الخشاب ممكن تكون بتهزر عشان تهون على الطلاب، هي نجمة وجميلة واستحالة تكون بتتلكم بجد».
وشددت على أهمية وقيمة التعليم، مضيفة: «الفلوس بتيجي بالعلم، لازم يبقى في محتوى راقي بالعلم، لكن نوعية التعليم دلوقتي آه ممكن يكون مجرد شهادات نعملها قراطيس طعمية ولب».
واستطردت: «لكن التعليم كمعنى وقيمة حاجة تانية خالص، التعليم نور وبصيرة ووعي، أكيد سمية بتهزر عشان تخفف من الضغط على الطلبة وأسرهم، دي نصايح مش ممكن تطلع من فنانة جميلة».
وأثارت الفنانة سمية الخشاب، جدلا على مواقع التواصل الاجتماعي في تدوينة لها عبر موقع التواصل الاجتماعي «إكس».
وقالت الخشاب، في تدوينتها: «التعليم مبيحددش لا مصير ولا نيلة، بتعرف تجيب فلوس هتعرف تتجوز وتسافر، مبتعرفش يبقى الشهادة هتقرطسها وتحط فيها طعمية»، بحسب وصفها.
بعد ضبط حالات غش جديدة .. رسالة هامة من سهير جودة لطلاب الثانوية وتعليق ناري على سمية الخشاب