عمرو أديب: أيوه أنا سعودي وأفتخر.. المملكة بلد الحرمين وتحتضن ملايين المصريين

قال الإعلامي عمرو أديب، إنه يفخر بحمله للجنسية السعودية، مشيرًا إلى أن «المملكة بلد الحرمين وتحتضن ملايين المصريين».
وأضاف في تدوينة عبر صفحته الرسمية بمنصة «إكس»، مساء الثلاثاء: «تانى حتقولولى سعودي، أيوة سعودي وأفتخر.. هو أنا أخدت الجنسية الإسرائيلية، أنا واخد جنسية بلد الحرمين، جنسية الدولة اللى محتضنة ملايين المصريين، جنسية الحكم اللي ما اتخلى عن مصر أو أي بلد عربي».
وأكمل: «وبعدين الجنسية مالها ومال الحق، مالها ومال الوفاء، مالها ومال التقدم والرقى. سعودي مصري عربي مسلم وأفتخر، وكفاية تضييع وقت في أمور إحنا في غنى عنها. عالمنا العربي محتاجنا وأوطانا كمان محتاجانا».
وفي وقت سابق، نشر الإعلامي عمرو أديب، صورة للفنانين الأجانب المشاركين والمكرمين ضمن فعاليات حفل توزيع جوائز صُنّاع الترفيه Joy Awards، والذي نظمته الهيئة العامة للترفيه، السبت الماضي، على مسرح بكر الشدي، في العاصمة السعودية الرياض.
وكتب في تدوينة عبر صفحته الرسمية بمنصة «إكس»، مساء الثلاثاء: «الناس اللي في الصورة دي أغلبهم أساطير حية، ده موضوع مفيش عليه خلاف، كانوا ضيوف المملكة وتم تكريمهم في حفلة جوي».
وأضاف: «إلا ما شفت حد بلده قالت له أنت إزاي بتتكرم في الرياض، أو إيه المهانة اللي أنت فيها ديه عيب عليك، بيتكرموا في أمريكا وبريطانيا وفرنسا والهند والرياض.. بصراحة مبقتش فاهم الهيستريا لما يتم تكريم قيمة مصرية بيحصل حالة هجوم على القيمة وعالرياض وعلى موسم الترفيه».
ووجه رسالة إلى الإعلامي خيري رمضان: «يا أستاذ خيري رمضان أنا اللي كنت على اتصال بالفنانة العظيمة نجاة على مدى 4 شهور كاملة علشان نخرج بشكل محترم يتم تكريمها فيه في الرياض العاصمة العربية الكبيرة وتم التكريم على أعلى مستوى».
وتوجه بحديثه إلى الإعلامي تامر أمين: «يا أستاذ تامر أمين محمد إمام حضر واحد من أرقى التكريمات لوالده الزعيم، ولم يكن مجرد اسم وصورة واجري، أما ذكر فلسطين فقد سبقه فنان العرب محمد عبده أمام المستشار تركي آل شيخ في نفس الحفل، ولو سمحت أما تذكر اسم سيادة المستشار تركي آل الشيخ اذكره كما نذكر أي مسئول مصري في مصر بكل احترام واضح».
واختتم: «يا جماعة في حد عنده رغبة قوية لتسميم العلاقات، بصراحة لم يعد ما يحدث مفهوم أو مقبول، أومال لو كانت الناس بتهاجم القامات مش بتكرمهم كنتوا عملتوا إيه، مفيش حد رشيد يوقف هذا الجنون المستمر. بصراحة لم أعد أفهم السر وراء هذا التصرف المستمر».
تانى حتقولولى سعودى ايوه سعودى وافتخر . هو انا اخدت الجنسيه الاسرائيليه انا واخد جنسيه بلد الحرمين جنسيه الدوله اللى محتضنه ملايين المصريين جنسيه الحكم اللى ما اتخلى عن مصر او اي بلد عربى . وبعدين الجنسيه مالها ومال الحق مالها ومال الوفاء مالها ومال التقدم والرقى . سعودى مصري…
— Amr Adib (@Amradib) January 23, 2024