8 جنيهات كشفت السر.. ننشر أقوال والد طفلة هتك عرضها بقال في الجيزة

تواصل نيابة الطفل بالجيزة التحقيقات في واقعة اتهام شاب باستدراج طفلة 8 سنوات، داخل سوبر ماركت واعتدى عليها جنسياً بمنطقة الهرم.
واستدعت النيابة والد الطفلة ويدعى "ج" وقال "اللي حصل ان انا مراتى قالتلى انها لقت مع بنتها ثمانية جنيهات وهى مكنتش مدياها فلوس في الوقت ده فسألتها هي جابت الفلوس دي منين قالتلها إن المتهم شاب في السوبر ماركت هو اللى ادها الفلوس فهي ضغطت عليها وسألتها هو المتهم إداكي فلوس ليه وايه اللى حصل".
وتابع: "فلقت البنت خافية ومعيطة فقالتلها إن هو كان كل ما البنت تروح تجيب حاجه من السوبر ماركت كان بيخليها جنبه لحد ما السوبر ماركت يفضى وبيدخلها اوضه عاملها مخزن بيستغل سنها الصغير وبيقلعها هدومها وهو كمان بيقلع هدومه ويتعدى عليها جنسيا".
وأشار: "احنا جينا بيها على القسم علشان تعمل محضر، فقالولنا نكشف عليها الأول فروحنا نكشف عليها الدكتورة اول ما شافتها قالتلنا أنا مش محتاجة أكشف عليها بنتكم اتعرضت لتعدي جنسي، فروحنا على قسم الهرم وعملنا محضر".
وأمرت النيابة بحبس المتهمين 4 أيام على ذمة التحقيقات، كما أمرت بانتداب أحد الأطباء الشرعيين بمصلحة الطب الشرعى لتوقيع الكشف الطبي على الطفلة لبيان ما به من إصابات.
ووجهت النيابة للمتهم تهمة هتك عرض الطفله المجني عليها بالقوة والذي لم يجاوز الثانية عشر عاما من العمر بالتحايل وحسر عنها بنطالها والتعدي عليها جنسياً من الأمام مستغلا صغر سنها حال كونها طفلة قاصدا هتك عرضها، واحراز سلاح ابيض مطواه.
وقال المتهم "ش" في أواخر العقد الثاني من العمر عامل بسوبر ماركت يملكه والده خلال التحقيقات "اللى حصل ان انا شغال في المحل بتاع ابويا فجأة لقيت قوة من المباحث داخلة عليا وبيقولولي ان انا معمول فيا محضر بالتعدى الجنسي على المجني عليها وانا معملتش حاجة وخدوني على القسم واتعرضت على النيابة".
تلقت أجهزة الأمن في الجيزة بلاغاً من والد طفلة، يتهم فيه أحد الأشخاص «بائع سوبر ماركت» بهتك عرض نجلته، والتي تبلغ من العمر 8 سنة، داخل إحدى شوارع منطقة الهرم.
وعلى الفور، نقلت من مباحث قسم الهرم لكشف حقيقة البلاغ، حيث تبين صحته، وتم استهداف المتهم وتحديد مكان تواجده ونجحت الأجهزة الأمنية في إلقاء القبض عليه.
كشفت تحريات رجال المباحث أنها ليست المرة الأولى التي يعتدي فيها المتهم على الطفلة المجني عليها بل سبقها عدة مرات أخرى.
وأضافت التحريات أن المتهم استدرج الطفلة أكثر من مرة داخل غرفة بسوبر ماركت بمنطقة الهرم بحجة إعطائها بعض الحلوى وتم إخطار النيابة العامة لتولي التحقيق.