الرئيس السيسي عن مستنكري بناء الطرق: هو إحنا حرمنا الناس عشان نعمل ده

قال الرئيس عبدالفتاح السيسي، إن الأموال المخصصة للفريق كامل الوزير، عند توليه وزارة النقل، بلغت نحو 2 تريليون جنيه.
وأضاف، ضمن فعاليات افتتاح محطة تحيا مصر متعددة الأغراض، صباح الخميس: «على مدى ال30 سنة اللي فاتت الوزارة خدت كام؟ إحنا بنحفر مستقبل بلدنا ومعنديش شك إننا هنعمله».
وتوجه برسالة إلى المواطنين: «الناس في مصر اسمعوني كويس، كل طوبة بتتعمل في البلد أنا معاها وشايفها.. كنت ورا الراجل اللي بنى العمارة المخالفة في ميناء إسكندرية، قلت يتقبض عليه وميخرجش إلا لما يسيب الأرض».
وأكمل: «معناه إن الرئيس قاعد واخد باله إن الفساد اللي اتعمل لا يمكن يسيبه، واللي خد الأرض جوا المينا لا يمكن يسيبه، حتى لو عمل ورق في غفلة من الزمان».
واستطرد: «لو معملتش كده يقدر المحافظ يعمل كده؟ لا خايف، وزير النقل يعمل كده؟ لا خايف، اللي عاوز يبني بلده ميخافش أبدا إلا من ربنا اللي هيحاسبه، في كتير يقول بتعملوا الطريق ده ليه وتردم هنا ليه، بردم هنا ليه! المستقبل لو مفيش بنية أساسية تليق بدولة أنتم مش بتعملوا مستقبل خالص، وتقول لي الأكل والشرب وبتاع؟ هو إحنا حرمنا الناس عشان نعمل ده».
ويفتتح الرئيس عبد الفتاح السيسي، اليوم الخميس، محطة تحيا مصر متعددة الأغراض على رصيف (55-62) بميناء الإسكندرية، وتعتبر المحطة من أهم المشروعات التي تنفذها وزارة النقل في مجال النقل البحري.
وتشتمل المحطة على ساحات تداول تبلغ نصف مليون متر مربع، وتنقسم إلى 3 محطات تداول (حاويات – بضائع عامة – سيارات).
وتعد أحد الروافد الرئيسية للمحطة اللوجستية التي تم إنشاؤها خلف الميناء؛ مما يساهم في رفع تصنيف ميناء الإسكندرية، والهدف من هذه المحطة أن تكون محطة ذكية خضراء تعمل بأفضل الوسائل الحديثة في شحن وتفريغ وتداول البضائع سواء حاويات أو البضائع العامة.