دعاء فاروق ترد على مناقشي المُساكنة قبل الزواج: ده زنا

ردت الإعلامية دعاء فاروق، على مناقشي موضوع المُساكنة قبل الزواج، والذي تم تداوله عبر مواقع التواصل الاجتماعي والبرامج التلفزيونية خلال الفترة الماضية، بعد تصريحات عدد من النجوم عن أرائهم فيه، وأكدت دعاء أن المساكنة تساوي الزنا، ولا يصح النقاش في هذا الأمر.
ونشرت دعاء فاروق، مقطع فيديو عبر حسابها على موقع «انستجرام»، قالت فيه: «المساكنة تساوي الزنا، إنتوا بجد بتناقشوا موضوع الزنا كده إنه ينفع أو مينفعش! وده موضوع وارد يتناقش في مجتمعنا؟، إزاى يناقش موضوع المُساكنة، لا وبنجيب الشباب والبنات في مصر ونسألهم عن المساكنة.. تحب تعمل مساكنة ولا لأ».
أضافت دعاء فاروق: «يعني أنت بتجيب بنتك وتسألها تحبي تزني، أنتوا إزاي بتناقشوا موضوع الزنا، ملناش دعوة في اتنين عملوا كده في مكان لا يناسب عاداتنا وتقاليدنا ولا حياتنا».
وتابعت: «وبعدين ألاقي بنت تٌسأل عن المساكنة فتقول لو مش حرام آه هعمل المساكنة، غيري كلمة المساكنة وبدليها بزنا.. حضرتك تحبي تزني قبل الزواج، والبنات تقول آه لو مش حرام، يعني إحنا ممكن الصبح نغير اسم بيوت الدعارة ب«بيوت السعادة»، وننزل نسأل الطلاب تحب تروح بيت السعادة ويقولوا آه».
View this post on Instagram
A post shared by Doaa Farouk (@doaafarouk)