بعد تصريحات بسنت النبراوي.. دعاء فاروق تهاجم مناقشي فكرة المساكنة

هاجمت الإعلامية دعاء فاروق الجدل المُثار حول فكرة المساكنة بين الرجب والمرأة دون الزواج بعد أن تحدثت عنها الفنانة بسنت النبراوي في أحد اللقاءات التليفزيونية.
مهاجمة دعاء فاروق للمساكنة
ومن خلال فيديو لها عبر موقع فيسبوك، ناقشت دعاء فاروق القضية قائلة ً :"ازاى يناقش موضوع المُساكنة، لا وبنجيب الشباب والبنات في مصر ونسألهم عن المساكنة.. تحب تعمل مساكنة ولا لأ".
وتابعت حديثها :"يعني أنت بتجيب بنتك وتسألها تحبي تزني، أنتوا إزاي بتناقشوا موضوع الزنا، ملناش دعوة في اتنين عملوا كده في مكان لا يناسب عاداتنا وتقاليدنا ولا حياتنا".
وواصلت حديثها :"بعدين ألاقي بنت تتسأل عن المساكنة فتقول لو مش حرام آه هعمل المساكنة، غيري كلمة المساكنة وبدليها بزنا".
واستنكرت :"حضرتك تحبي تزني قبل الزواج، والبنات تقول آه لو مش حرام، يعني إحنا ممكن الصبح نغير اسم بيوت الدعارة ب بيوت السعادة وننزل نسأل الطلاب تحب تروح بيت السعادة ويقولوا آه".
تصريحات بسنت النبراوي عن المساكنة
وتعود مهاجمة دعاء فاروق لآراء الفنانة بسنت النبراوي عن المساكنة التي قالت عنها :"أرفض المساكنة.. عشان حرام دينيًا، لو الدين مكانش حرمها والمجتمع هو اللي رافض وقتها مش شرط أمشي على كلام المجتمع ده لأن الدين الأول وأهم".
ثم عادت وأوضحت وجهت نظرها قائلة ً :"أنا امبارح كنت في برنامج واتسألت إيه رأيك في المساكنة وردي كان واضح وقاطع قولت المساكنة حرام وأنا مقبلهاش ومرضهاش، لو كانت المساكنة حلال ساعتها كان من حقي أفكر لكن طالما ربنا حرمها هي حرام وأنا أرفضها".