روى الفنان محمد التاجي، تفاصيل الظروف التي قادته للتفكير في اعتزال الفن. وقال التاجي، خلال لقائه ببرنامج "الستات"، الذي تُقدمه الإعلاميتان مفيدة شيحة وسهير جودة عبر شاشة "النهار"، اليوم الإثنين: "صعبت عليا نفسي بسبب التعامل داخل الوسط". وأضاف: "كانوا عاوزني في عمل قلتلهم أنا في شرم الشيخ مع العائلة كلها.. قالولي إحنا هنصور وهنستاك، ولما رجعت كلموني قالولي تعالى". وتابع: "رحت البلاتوه وقعدت مع المنتج الفني على باب البلاتوه في ساحة الاستوديو والعربية كانت راكنة جمبي.. نادى على مسؤول شؤون الممثلين وجابوا الاسكربت وحطه في العربية ودخلنا في نقاش على الأجر". وأكمل: "الشخص ده قالي أنت علشان ضمنت الحلقات في عربيتك هتتنط علينا.. رميت الورق في وجهه ومشيت.. فقلت هو أنا لو اعتزلت هيجرى حاجة لكن الدنيا اتقلبت علي أنا وناس كتير كلموني علشان أكمل".