رامز موفي ستار.. رامز جلال عن بيج رامي: هركليز العرب

وقع بيج رامي، بطل كمال الأجسام المصري، مساء اليوم السبت، ضحية رامز جلال في الحلقة 22 من برنامجه «رامز موفي ستار»، الذي يعرض عبر فضائية «MBC مصر» طوال شهر رمضان.
وبدأ رامز جلال تقديم الضيف، قائلا: «فيه حلقات لما بنيجي نعملها مبيبقاش فارق معاك حاجة لأن الضيف بيكون على نفس مستواك أو فارق عنك سيكا.. إنما النهاردة جاي وكاشف صدري وشايل كفني على إيدي».
وأضاف: «أنا مش عارف أخدت القرار ده إزاي.. حب المغامرة خلاني أتهور وشكلي النهاردة هتعور»، متابعًا عن الضيف: «الرجل ده يا جماعة مش لاقي كلام أوصفه بيه، مش لاقي حروف على مقاسه، ده لو اتعصب مش محتاج يتخانق معايا، لو طبطب عليا هيكسرلي الترقوة».
وتابع عن الضيف: «الرجل ده بيفطر كرتونتين بيض بقشرهم، الحيم بالنسباله هو بيته.. وفي موقف زي ده بطلب من كل أم تعتبرني ابنها وتدعيلي ومن كل أب يتمنالي السلامة»، مضيفًا: «معانا ومعاكم هركليز العرب، ذا ماستر أوف شيست، مستر أولمبيا اللي بقدمله احترامي بيج رامي».
وتدور فكرة البرنامج هذا العام حول استضافة مجموعة من مشاهير الفن والرياضة، بعد خداعهم بتصوير إعلان أو مشهد في فيلم، ليتعرض الضحايا للعديد من المغامرات التي تصيبهم بالهلع، فهم يستقلون سيارة تجري بهم في الصحراء، وتقف فجأة على شفا بحيرة بها تمساح، ويظهر ثعابين صغيرة في يد رامز جلال الذي يرتدي قناعًا على وجهه، بمشاركة الفنان العالمي فاندام.
واشتهر رامز جلال بتقديم برامج المقالب في رمضان منذ عام 2011، فقدم في السابق برامج: «رامز قلب الأسد»، و«رامز ثعلب الصحراء»، و«رامز عنخ آمون»، و«رامز قرش البحر»، و«رامز واكل الجو»، و«رامز بيلعب بالنار»، و«رامز تحت الأرض»، و«رامز تحت الصفر»، و«رامز مجنون رسمي»، و«رامز عقله طار».