حرص الفنان مصطفى درويش، على توضيح وجهة نظره حول اعتراضه على اختيار الفنانة التونسية هند صبري، لتشارك في موكب نقل المومياوات. وكتب درويش عبر صفحته على فيسبوك: "كبروا المواضيع بقي ووقعونا في الناس، بس أنا قولت حق ربنا، لا هطبل ولا هكدب.. أنا بحب هند جدا وبحب فنها وبحترم حبها لمصر جدا جدا جدا". وتابع: "بس بحب مصر أكتر وبحب المصريين أكتر وبحترم تاريخ بلدى أكتر وأكتر، والبيت أولى بأهله، عندنا ناس كتير تكون في الحدث ده، ليه ميكونش يسرا - سوسن بدر - روبي - حنان مطاوع - أسماء أبو زيد - مني ذكي، ويبقي في علماء وأطباء ولاعيبه مثلا مجدي يعقوب - محمد صلاح - رانيا علواني". وأكمل: "مصر مليانة قامات عالمية يا جماعة خلو الحدث ده يرجع السياحة اللي تعبت دي، أرجوكم أرجوكم استغلوا الحدث ده لمصلحة مصر فقط مش علشان الحكومة تشوف وتسقف بس رجاء ارضوا البلد قبل ما ترضوا أي حد". واستطرد: "وعليا النعمة بحب هند صبرى ومن جمهورها كمان، وبحب تونس وأكتر شعب قريب لقلبي التوانسة، وليا أصحاب كتير تونسيين، يخربيت اللي يقول كلمة ولا رأيي تانى، هتوقعونا مع زميلة محترمة ليه وشعب محترم ليه اللي ينقل ينقل واللي يحضر يحضر أنا مالي". https://m.facebook.com/story.php?story_fbid=3956445114416652&id=100001536064118