بعد توقفه عن الغناء لمدة 10 سنوات، عاد الملحن عمرو مصطفى بألبوم جديد يحمل اسم "لعبت مع الأسد"، يضم 10 أغنيات، كتبها تركي آل الشيخ رئيس هيئة الترفية بالمملكة العربية السعودية، وقام "مصطفى" بتلحينها لنفسه، رغم إعلانه اعتزال التلحين يونيو الماضي، مؤكدا على أنه سيكتفي ب20 سنة في هذا المجال، وسيركز في الفترة المقبلة على الغناء فقط. الألبوم بالكامل طرحت أغانيه على قناة "آل شيخ" بموقع يوتيوب، وحققت أغنياته نسب مشاهدة متباينة، فأغنية "لعبت مع الأسد" التي يحمل الألبوم اسمها وهي من توزيع "R3HAB"، وحققت 17 ألف مشاهدة منذ طرحها أمس، كلمات الأغنية تقول: "ياما على نفسي جيت.. ياما وياك آسيت.. بس مليت خلاص.. وأما مليت مشيت.. خسرتني للأبد.. وكلمة وقولتها.. لعبت مع الأسد.. يبقى أستحمل بقى". الأغنية الثانية هي، "هتوحشنا" من توزيع " Afrojack" وحققت 15 ألف مشاهدة، وتقول كلماتها: "قال ايه قال هينسى.. يالا عني غيب.. نرجع تاني أنسى.. مايصحش وعيب.. اللي يروح ما بيجيش.. زمنك راح عليه.. ده انت هتوحشنا.. وفراقك هيعيشنا.. وعموماً بُكرة ان عشنا.. هتجيني تقول ندمان". الأغنية الثالثة هي "أسمع الكلام" من توزيع "Emrah Karaduman"، وحققت 8 آلاف ونصف مشاهدة، كلمات الأغنية تقول: "هتجيب ورا وهترجع.. زي ماكنت زمان.. هما كلمتين.. قدامك يومين.. تبقى عندي وأديك الامان.. الحقيقة باينة.. انت فاكر ايه.. لو ناسي اللي بينا.. أحكيلك عليه.. ماتلخص قوام.. وأسمع الكلام.. ولا عاجبك انت اللي احنا فيه". الأغنية الرابعة "أسيب ما أتسابش" من توزيع "R3HAB" وحققت 13 ألف مشاهدة عبر موقع "يوتيوب"، وتقول كلماتها: "أنا أسيب.. ما أتسابش.. وأنساك.. ما أغلبش.. وإسأل كل اللي فارقني.. هيقولك.. مابيتعبش.. أنا طول الوقت مكمل مابوقفش حياتي على حد". الأغنية الخامسة "جاحدة" من توزيع " Boi-1da"، وحققت 6 آلاف ونصف مشاهدة، عبر موقع "يوتيوب"، كلمات الأغنية تقول: "جاحدة.. وجامدة.. مملة.. وقلة.. كُنت بحب بجد ودي بتتسلى.. ليه هانعيدوا تاني.. لو كنتي مريحاني.. كنت هَسيبك وأمشي ليه". الأغنية السادسة "مفيش غيري" من توزيع "Boi-1da"، وحققت 11 آلاف مشاهدة، وتقول كلماتها: "مهما تقابلي غيري في الحياة.. هتحبيني برضوا في النهاية.. أنتي زيي مش هتقابلي لا.. يا أنا.. يا أنا.. أنا وبس ومفيش غيري.. وناوي أقربك ليا.. ولا تشوفي في يوم غيري.. ودورك تحلمي بيا.. أنا الأخر وأنا الأول.. وانا اللي ماليش في يوم تاني.. أنا العمر اللي لو طول.. بعيدوا وأعيشوا من تاني". الأغنية السابعة "غدارة" من توزيع "Emrah Karaduman"، وحققت 12 آلاف مشاهدة عبر موقع "يوتيوب"، كلمات الأغنية تقول: "أنتي غدارة.. والحب يا خسارة.. بقى كلمة تتقال ع الفاضي.. الذنب لو ذنبي.. أنا دوست على قلبي.. مابقتش بسأل على ماضي.. والذكريات.. آه م الذكريات.. ماتهمنيش.. أنا مش هعيش.. على وقت فات.. والذكريات.. آه م الذكريات.. هستنى ليه.. وأستنى ايه.. أنا قلبي مات". الأغنية الثامنة "سلمى" من توزيع "R3HAB"، وحققت 14 الف مشاهدة، وتقول كلماتها: "خلي بالك انتي مني.. لو بعدتي ثانية عني.. أموت.. أموت.. أموت.. أموت.. حبك أنتي كل الحياة.. ياللي واخده قلبي انا.. وعمري في هواكي يفوت.. سلمى.. من عيون الناس.. سلمى.. عقد ورد وماس.. أحلى ما شافت عيوني.. خدتي عقلي خلاص.. ياللي بيكي الجمال يتقاس". الأغنية التاسعة "أسطورة" من توزيع "Andres Torres" و"Mauricio Rengifo"، وحققت 11 آلاف مشاهدة، كلمات الأغنية تقول: "هفضل أسطورة بتحكي عليها سنين وسنين.. أنا هفضل عندك أول واحد في الغاليين.. تتمنى تشوفني ولو بالصدفة في أي مكان.. وتبص لصورتي وتسأل فين أيامنا زمان". الأغنية العاشرة "مايهمنيش" من توزيع "A. R. Rahman"، وحققت 16 الف مشاهدة عبر موقع "يوتيوب"، وتقول كلماتها: "لسه ماتخلقتش اللي تندمني وأعيش ليها ليالي.. طب أتحداكي ان أنا هنساكي ومش هاخد بالي..أنا صعب عليكي ماتخليكي وخليني في حالي.. أنا اصلاً مش فاكر انِ بكيت على غالي.. مايهمنيش.. لو كنتي عني هتسألي ف ماتسأليش.. على فكرة بيكي هعيش ومن غيرك هعيش.. واللي يسلم قلبه يوم.. يصعب عليه لو مين.. أنا قلبي مخلوق من حجر.. عمر الحجر ما يلين".
