السيسي ردا على «موضوع السوشيال ميديا»: «الجيش مؤسسة حساسة جدا والثقة هي مركز الثقل مع الناس»

قال الرئيس عبد الفتاح السيسي، إن وسائل التواصل الاجتماعي، ساهمت في تزييف وعي المصريين منذ ما قبل 2011.
وأضاف في كلمته بجلسة «تأثير نشر الأكاذيب على الدولة في ضوء حروب الجيل الرابع»، ضمن فعاليات المؤتمر الوطني الثامن للشباب، اليوم السبت: «بقالنا أسبوعين معندناش غير موضوع، مش كده؟ ينهار أبيض مش خايفين على جيشكم وضباطكم الصغيرين إنهم يتهزوا في إن قيادتهم يتقال عليهم إنهم ناس مش كويسين».
وأكمل: «متعرفوش الجيش ولا إيه؟ الجيش مؤسسة مغلقة وحساسة جدًا لأي سلوك مش مظبوط، خاصة لو اتقال على قياداته».
وتابع: «مركز الثقل اللي بيني وبين الناس في مصر هي الثقة، الراجل اللي صدقناه، يريدون اللعب في الثقة».
واستطرد: «كل الأجهزة قالولي لو سمحت متتكلمش، وكادوا يبوسوا إيدي والنبي ما تعمل كده، وقلتلهم إن اللي بيني وبين الناس الثقة، لما حد يلعب في الحتة دي ويقولهم الراجل اللي مصدقينه دا مش مظبوط دي أخطر حاجة في الدنيا».
وتابع: «كل ست في البيت بتدعيلي وهي مصدقاني سيبها إزاي محتارة، هل فعلا الحاجات اللي اقتالت عملتها ولا معملتهاش».
وانطلقت صباح اليوم السبت، فعاليات المؤتمر الوطني الثامن للشباب بحضور الرئيس عبدالفتاح السيسي، و1600 من الشباب المصري وكبار الشخصيات، وذلك بمركز المنارة للمؤتمرات الدولية بالقاهرة الجديدة.