دينا الشربيني: «غادة عبد الرازق مثلي الأعلى.. ولو ركزت مع الناس هيعطلوني»

قالت الفنانة دينا الشربيني، إنها تحب الفنانة غادة عبد الرازق كثيرًا، وتعتبرها مثلها الأعلى، معربة عن سعادتها بنجاح مسلسلها «حدوته مرة» الذي عرض في رمضان الماضي.
وأضافت في تصريحات لبرنامج «أسرار النجوم»، المذاع عبر راديو «إف إم»، أمس الخميس، «ناس كتير شافت المسلسل وقالت عليه حلو جدا، وأنا مشفتوش عشان كنت بصور بس هشوفه، وبقولها مبروك المسلسل كسر الدنيا ونجح في ظل الظروف الصعبة اللي أتعمل فيها».
وعن كلام الناس السلبي، أوضحت أنها لا تكترث بالكلام السلبي، ولا تهتم بكلام من حولها باستثناء الأقارب والأصدقاء والأهل والدائرة المقربة منها، متابعة: «بجد أريح حاجة في القصص دي متركزش مع حد ملكيش دعوة بحد لو ركزت مع الناس هيعطلوني مش هعرف أكمل».
ولفتت إلى أنها لا تحكم على أحد، بالرغم من حكم البعض عليها، معقبة: «اللي يحكم عليا خلاص منه لربنا، أنت مش عارف نية اللي قدامك ولا عارفني بتشوفني على الشاشة متعرفش أنا مين وعايشة إزاى وظروفي، مش عايزة الناس تجرح بعض، كلمة حلوة ممكن تغير حياة بني أدم، وكلمة وحشة تدمره، وتعرضت لهجوم وتجريح ولكن مفرقش معايا لأني قوية وربنا معايا، واتضايقت في وقت الجونة لأني كنت تعبانة».