خالد الجندي يحذر من الخطاب الدعوي المتطرف: «هيودونا في داهية»

حذر الشيخ خالد الجندي، عضو المجلس الأعلى للشؤون الإسلامية، من انتشار نوعين من الخطاب خلال شهر رمضان، متابعًا: «في الأيام الجاية هتلاقوا نوعين من الخطاب، أحذروهم، أرجوكم أنا بتكلم بجد لأنهم هيودونا في داهية».
وأضاف خلال تقديمه برنامج «لعلهم يفقهون»، المذاع عبر فضائية «دي إم سي»، مساء اليوم الخميس، أن النوع الأول يتمثل في الخطاب الإسلامي أو الدعوي «المتخلف»، والآخر في الخطاب الإعلامي «المتطرف».
وتابع: «دول ودول هتلاقيهم كدابين ونصابين وبيلفقوا بالفوتوشوب، وبيقطعوا الكلام من سياقه، وأنتوا عارفين أنا قصدي على مين، وهو ده اللي هيحصل وهتشوفوه كتير جدًا من بعض الشخصيات».
وبشأن رد البعض على دعوات ترشيد استخدام مكبرات الصوت خلال شهر رمضان، تابع: «لما قلنا وطوا الميكروفونات قالوا ما تتكلموا على التكاتك وعن جرس الكنيسة والأفراح الشعبية، والحديث ده علامة على إن الناس دي عندها عدم استقبال، وعشان نبرد يا بتوع التكاتك بطلوا إزعاج».