تامر حسني: «البدلة حقق رقما استثنائيا في تاريخ السينما»

أعرب الفنان تامر حسني، عن سعادته بتحقيق فيلم "البدلة"، لإيرادات وصلت ل60 مليون جنيه، موضحًا أنه لا يحب الحديث عن أرقام إيرادات أفلامه، لكنه مضطر هذه المرة أن يتحدث.
وقال تامر: "النهاردة فيلم البدلة حقق رقم استثنائي أول مرة يحصل.. حقق أعلى رقم في تاريخ السينما المصرية والعربية داخل مصر وخارجها فكان لازم أفرح ونفرح مع بعض وكان لازم التاريخ يشهد على التحقيق ده عشان كان حلم من أحلامي لإني في الأصل مطرب".
وأضاف حسني، عبر حسابه بموقع "إنستجرام"، أنه كان يتمنى تحقيق هذا النجاح في السينما، وأنها ليست فكرة إيراد ولكن هو إجماع شعبي جماهيري على الذهاب للفيلم والإشاده به.
وأكد أن ما حققه الفيلم، هو نجاح كل فريق العمل المحترم، والروح الجميلة الطيبة التي كانت بينهم هي السبب في النجاح، علاوة على أن هذه السنة أيضًا شهدت تحقيق ألبوم "عيش بشوقك" أعلى مبيعات.
وكشف تامر، عن فرحة عمره الكبيرة، في 2018، وهي السنة التي رأى فيها ابنه "آدم"، داعيًا الله أن يحفظه ويجعله ظهر وسند لإخوته.
View this post on Instagram
مساء الورد على اغلى ناس .... في الحقيقه مش بحب اتكلم عن ارقام إيرادات افلامي بس سامحوني المره دي مضطر اتكلم وبتكلم وانا فرحان من كل قلبي .. النهارده فيلم البدله حقق رقم إستثنائي اول مره يحصل حقق أعلى رقم في تاريخ السينما المصريه والعربيه داخل مصر وخارجها فاكان لازم أفرح ونفرح مع بعض وكان لازم التاريخ يشهد على التحقيق ده عشان كان حلم من احلامي لإني في الأصل مطرب ... وكانت امنيتي أحقق ده في السينما ومش فكرة إيراد قد ماهو إجماع شعبي جماهيري على الذهاب للفيلم والإشاده به و ثانياً لإنه فكرتي ... وطبعاً ده نجاح كل فريق العمل المحترم .. والروح الجميله الطيبه اللي كانت بينا هي السبب في ده وفرحتي الثانيه لإن السنه دي البوم عيش بشوقك حقق اعلى مبيعات .. الحمدلله الحمدلله الحمدلله ... اما عن فرحة عمري الكبيره بالنسبه ليا إن 2018 السنه اللي شفت فيها إبني ( آدم ). ربنا يحفظه ويجعله ظهر وسند لإخواته ويحميكم ويسعدكم انتم وإخواتكم و اولادكم و آبائكم شكراً
A post shared by Tamer Hosny (@tamerhosny) on Nov 15, 2018 at 8:41am PST