قال الطفل «محمد»، الشهير بالطفل الباكي، والذي ظهر في فيديو انتشر عبر مواقع التواصل الاجتماعي، هو يطلب النوم لربع ساعة، إنه كان يشعر بالتعب عندما طلب من مدرسته أن ينام، متابعًا: «كنت تعبان وقولت للميس عايز أنام عشان رجلي وقلت لها يا حاجة عايز أنام». وأضاف خلال لقائه مع برنامج «آخر النهار»، المذاع عبر فضائية «النهار»، مساء الأربعاء، أنه اختار أن ينادي مُدرسته في الفيديو ب «يا حجة»، نظرًا لأنها «ست كبيرة»، معقبًا: «ست كبيرة، وكله بيقولها يا حاجة». وأردف «الطفل الباكي» أن الشخص الذي قام بتصوير كان يقف وراء شباك الفصل، الذي كانوا يتواجدون به، مستطردًا أنه يحب الذهاب إلى المدرسة، لكنه لا يفضل فصله، بسبب زملائه. وتابع: «مش بحب أروح الفصل عشان العيال اللي فيه، وعندي 3 أصدقاء منهم بس، واللي غطاني بالشنطة في الفيديو ده صاحبي، وبيحط الشنطة عشان منتصورش، عشان محدش يصور وشي واللي جنبي ده قريبي».