«السيسي»: رفع كفاءة بحيرة المنزلة يتكلف 50 مليار جنيه أجيبهم منين؟

قال الرئيس عبد الفتاح السيسي، إن الدولة تنفذ مشروعًا رائدًا في بحيرة المنزلة منذ نحو عام، لإزالة تعديات المواطنين على البحيرة، متابعًا: «رفع كفاءة بحيرة المنزلة وحدها يتكلف من 40 إلى 50 مليار جنيه، قولولي منين أجيبهم»، حسب تعبيره.
وأضاف «السيسي»، خلال افتتاحه مشروع الاستزراع السمكي ببركة غليون، السبت: «لما نزيل تعديات المواطنين هيشعروا إننا مش باقيين على مصالحهم، لأ إحنا باقيين على مصالحهم لكن فيه مصلحة شاملة هي مصلحة الشعب المصري».
وتابع: «البحيرة كانت 700 ألف وتقلصت إلى 400 ألف نتيجة التعدي والردم، ولو البحيرة والبوازيخ التي تدخل إليها المياه من البحر يتم تطهيرها، ومنع الصيد في توقيات دورية لإعطاء فرصة للزريعة، تفتكروا إن 700 ألف فدان ميه محدش يدخلها غير الصيادين كانت تنتج كمية السمك دي؟».
وأوضح أن كل سواحل مصر بما فيها البحيرات تنتج قرابة 10% من إنتاج مصر، متابعًا: «لما نيجي نشيل تعدي على البحر المواطن هيبقى زعلان ويقولك سيبني يا "سيسي"، أنا عايز أسيبك والله بس مش هسيبك، وهشيل التعدي وهعملك مكان بديل واستقرار حقيقي».
وأكمل: «أوعى تفتكر وأنا بعالج السلبيات دي إني هضيعك، لا يمكن أضيعكم أبدًا بس أنتم كمان ساعدوني، وأنا مش بمنع رزقك ولكن بعمل دا للصالح العام مش لشخص».