فيديو.. أحمد أمين يوضح «أنواع قرايب لا تخلو منهم أي عزومة»

سلط الإعلامي الساخر أحمد أمين الضوء على "أنواع القرايب" الذين لا تخلو منهم أي عزومة، في مشهد كوميدي، قائلا: "مهما عملوا هم قرايبنا وبنحبهم، وإللي ملوش خير في أهله ملهوش خير في حد".
وأضاف "أمين"خلال برنامجه "البلاتوه"، المذاع على قناة "النهار"، الجمعة: "هتلاقي خالتك القائمة بأعمال رئيس بنك الطعام، ودي بتلم كل الأكل بعد العزومة عشان توديه لأشرف ابنها وتقول يا حرام ما بيكلش، وهتلاقي قريبك إللي عايش دور المحقق، يفضل يسألك طول الوقت اشتغلت، طيب اتجوزت طيب اترقيت طيب خلفت؟، وهكذا وبيحاول دايما يقلل من قيمتك".
وتابع: "فيه بقى مدام نظيفة مرات خالك، ودي موسوسة في النظافة ولو سلمت عليك تقرف وتروح تغسل ايديها، أما قريبك اللي جاي من الخارج تلاقيه بيتكلم عربي مكسر ومخلف عيال أجنبية، وبيجيب لك هدايا غريبة مضرب هوكي مثلا عشان ابوك يضربك بيه بعد كدا".