عمرو أديب يطلق حملة لجمع مليون «بطانية»: «مصر عمرها ما تبات بردانة»

أطلق الإعلامي عمرو أديب، حملة لجمع مليون «بطانية»؛ لحماية سكان القرى الفقراء الذين يتعرضون للبرد القارس في مصر، قائلًا: «لازم مصر تبقى دفيانة، مصر عمرها ما تبات بردانة، ولازم مصر كلها تبات دفيانة».
وقال «أديب»، في برنامج «كل يوم»، المذاع على فضائية «On E»، مساء الاثنين: «في ناس في مصر مش عارفة تغطي نفسها، وبتموت من البرد، وأنا هشتغل على الحملة كل يوم، وإن شاء الله هتنجح، ونلم المليون بطانية، ونوزعهم على الناس اللي بتستناها من السنة للسنة».
وأوضح أنه يجب على الجميع التعاون من أجل جمع مليون «بطانية» للفقراء، والمساهمة في ترميم أسقف منازل الفقراء في الصعيد، قائلًا: «لو حضرتك تعرف تقدم بطانية واحدة، أو تتبرع بتلت أو ربع بطانية يبقى كويس؛ لأن عار علينا إننا نعيش وفي ناس بردانة».
وأكد أن مشروع «المليون بطانية» من الممكن أن يساهم في تشغيل الكثير من المصانع لمدة 3 شهور سنويًا، متابعًا: «عشان نشغل الناس، ونوصل للمحتاجين البطاطين بسرعة، ونحميهم من برد الصعيد، وربنا ما يوريكوا برد الصعيد، خلينا نستر الراجل الغلبان، والست الغلبانة اللي مش لاقين الدفء، وبطلب من كل الجمعيات الخيرية المساهمة معانا».