فيديو.. شيكا: "كفاية تكسير وتخريب.. ياريت نرجع نحب بعض زي زمان"

أبدى محمود عبد الرازق شيكابالا أسفه الشديد لأحداث بورسعيد، موجها رسالة إلى جماهير الكرة المصرية: "كفاية تكسير وتخريب.. ياريت نرجع نحب بعض زي زمان".
وقال شيكا في أول ظهور له على قناة الأهلي: "الناس لازم تعرف إننا كلاعيبه أصحاب سواء أهلي ولا زمالك ولا إسماعيلي.. وبالحب وبالمودة بنحقق بطولات والكلام ده حصل أيام المنتخب.. الاحترام لازم يبقى موجود في المدرجات وفي الملعب".
وواصل صانع ألعاب الزمالك: "العالم كله بيقف دقيقة حداد على شهدائنا.. ليه مانتغيرش ونبقى زي أوربا في التشجيع والروح الرياضية".
وتابع شيكا: "نفسي التعصب ينتهي من ملاعبنا ونشجع ونتمتع بكرة القدم الحقيقية.. وفي مباريات الأهلي والزمالك عمرك ما هاتلاقي اتنين لاعيبه بيتخنقوا مع بعض".
ووجه شيكا رسالة لجماهير الأهلي قائلا: "أنا عمري ماكان عندي مشاكل مع جماهير لأنهم أخواتي".
وأضاف أنه حزين لما حدث في بورسعيد، مؤكدا: "لاعبو الزمالك تأثروا بشكل كبير بألاحداث المؤسفة وربنا يكون في عون لاعبي الأهلي".
وأردف نجم الزمالك أنه يتمنى أن تكون كارثة بورسعيد آخر الكوارث في مصر كي نعود مرة آخرى للتشجيع الحضاري.
اضغط لمشاهدة الفيديو:
*