عظيمة يا بلادي والرب حاميكي جيشك وشعبك بروحه يفديكي ولوقلة شاردة في غربه و جاحدة تقول في الوصية آجي اندفن فيكي عجبي يااللي صالحت الزمن وقلت له معلش بس الزمن غدار وبكرة يقلب وش اصل الزمن غدار في ثانية يتغير ومهما تحسب حسابه لابد منه تكش عجبي حزين وحاطط إيده على خده قال فراق الأحبه قلبي مش قده يخون عهود الأحبه وهم صاينينه عامل حزين ازاي لما سابوه وحده ؟ عجبي رباعيات العيد: صاحب العيال اشتكى ان الهموم بتزيد منين يجيب للعيال لعب و لبس العيد؟ يا عم روق دة ربك بكرة يفرجها هو انت من غيرعيال تحس فرحة عيد؟؟ عجبي قال جانا العيد وفات جه وعدى من سكات لا شفنا فيه الحبايب ولا سايب ذكريات عجبي إزاي يفوت العيد ولا فرحتش فيه؟ العيد يا أخ في قلبك إنت حاسس بيه ممكن يكون الليلة او بكرة و امبارح مادام في قلبك رضا دايما هتسعد بيه عجبي