مش عارفة اعترفلك ولا اسيب مشاعري معاك للأيام اعترف لك اني زي اي بنت كان لي ف خيالي فارس الأحلام وحلمت بيه خاطفني ع الحصان وانا بنفس الطرحة ونفس الفستان كل اللي اتغير انت والوردتين البيض اصبح لونهم غامق بلون خوفي من مشاعري لتتغير وتحن للماضي ومعاك مااحسش بالحنان عارفة ان الحياة هيه كده بتسرق الحب منا وتدينا ساعات حاجات مالهاش معني لكن المعني الحقيقي ف بنت اوهب ليها كل حياتي او ولد اخبي له الأكل منك انت واجري اكوي قميصه فتفرح ف سرك لأنه برضه هوه حتة منك بتغير منه كتير لكن انا فرحانه بيه لما يعاكس بنت الجيران واحاول ابعدها عنه عشان يذاكر واه منك يا لعبة الايام يا اللي علمتينا الغرام وكلده أوهام