قصيدة تدينى كام

و اكتب قصيدة بدون وجع
وامحى الألم من السطور
واكتب كلام يحس بيه اللى اتوجع
واعمل فواصل بين كل كلمه تمحى الكسور
وارسم شجر يقف على اغصانه الطيور
وارسم زهور تفوح منها اجمل عطور
وارسم سعاده على الوشوش
تظهر ال وش البشوش
وارسم بإيدى على كل باب
واكتب نهايه للعذاب
واكتب بدمى على السحاب
كلمه بحبك
نهايه للسطرالحزين
تشفى جرح القلب على مر السنين
_تدينى كام…….,,؟
وابدل الحزن بفرح
وارجع حياتنا للمرح
ونصبرشويه على حبنا
مع الوقت يكون طرح
حب وسعاده
وابسط ايديا فى الكتابه
واضحك قوى
ياللأسف مخدوع غبى
دخلت عليه ملعبى
ضحكت عليه بكلمتين
وزادت فى قلبى الأنين
مجروح انا أشكى لمين
أصبحت انا الطير الحزين
بضحك لنفسى وابص لى
ازاى بصدق المحال
وارسم صور من الخيال
مع انى معجون بالوجع
ف ازاى أكون كداب جدع
شهم واصيل
يا للأسف قلبه أتوجع
وابص لنفسى واضحك لها
وانسج كلام من الخيال
وأقول لها
ما تسيبى قلبك يتغسل
واعرف اضمك من جديد
وابدأ فى ترتيل الغنا
واكتب
قصيده بدون كسوف
اول حروفها بعشقك
محتاج اقولها بدون كسوف
ومن غير خجل
بس انتى قولى ازاى اكون
وانا كل لحظة بتهزم
من كام سنه وانا بعشقك
دلوقتى لازم اخلعك
من جوه قلبي اللي اتوحع
خايف اغامر أعشقك
ما اكسبش غير حبة هموم
واغرق فى ألحان الشقا
سيبينى فى حال بقى
دلوقتى حاسه بالندم
بعد ما الحب اتعدم
برغم انى حبيتك اوى
وكنتى ليه مذهبى
كان حب ليكى ما يتوصف
دلوقتى مات للا سف
وانتى السبب
كدابة قلبى مصدقك
معرفش لية
ما انا بشبهك
واقف على باب الوجع
بكتب النص مليان آهات
بافتكرلحظات جميله
تنعش الحب اللى مات
فبقولك اية
ماتسيبي ايدك تتسرق
وتحضنى السطر الاخير
يمكن يكون اخر لقا
او اوله فى قصيده ممكن تتكتب