حبنا أوهام

كنت كل حاجه ليه
وكنت بديك اهتمام
كنت روحي ونور عينيه
وكل طلباتك تمام
كنت عندي نمره واحد
في المواعيد والهيام
كنت بتمني ابقي جانبك
اوحتي المح بس سلام
كنت اصحي وانام علي صوتك
اجمل من كل الالحان
حبك اصله ف قلبي ساكن
عايش في سعاده ووئام
جاي دلوقتي تقول أوهام
أنا مش الومك
او اعاتبك او اقولك اتهام
مهما يبكي دمع عيني
مش هابص للغرام
هادخل جوا نفسي واهرب
وانزوي في اقرب مكان
ان شوفتك مره صدفه
داري وشك والسلام
خليك ماشي في طريقك
بص دايما للأمام
حبنا كان كله لعبه
ومش هاكون لعبه انسان
كل وعودك كانت كدب
يعني كلامك كله حرام
في وشي تقرب مني
وفي ضهري تطعني سهام
شوف اخرتها وصلنا لأيه
فراق بعاد كده وخصام
شايف اخره كدبك ليه
دوست في حبك يافنان
شوف كام مره كتبت في حبك
وعملتلك كام ديوان
جاي دلوقت تقول اوهام
انا حبيتك وانت كمان
كنت بسامحك لوغلطان
اسفه هاقولك مالكش امان
اسفه هاقولك راح الحنان
ماتحاولش في يوم تشوفني
قلبي خلاص استئام
ولو مره قالك بحبك
ماتصدقش الكلام
انت خلاص خرجت منه
وماعدلكش فيه مكان
مهما تحاول مش راح ترجع
ولا حتي في الأحلام
ياما.. ناديتك..اترجيتك
وانت قافل الودان
ياما فرشت الدنيا دي ليك
بزهور وورد وريحان
وبعد دا كله جاي تقول
اسف غلطان
سامحيني المره
انا مش اعيدها
بس اكون معاكي في امان
وهاكون ليكي عبد مطيع
مهما يمر علينا زمان