من أجندتي (خواطر و أشعار)…

بحلم.
——
أمشي أطوف و أجوب الشوارع.
أتفرج ع إللى رايح وأشوف اللي راجع.
أدور في عنيهم على الحلم اللي ضايع.
ألاقى فى عنيهم مفيش غير المواجع.
.
سئلت و قلت أيه يابلدى اللي صابك؟.
و الحلم ليه بيموت وبأيدين عيالك.
ماحد فيهم رد وماحد فى قلبه شالك.
شكيت وسألت نفسى بالذمه دول ولادك؟.
.
وعشان ياحبيبتى طول عمرك أبيه.
وف وقت الشدة أنتي حره وقويه.
أنا لسه بحلم بيوم أفتح عنيه.
أشوفك أحلى بلد في الدنيا ديه.
.
وارجع أمشى ، اطوف وأجوب الشوارع.
أتفرج ع إللي رايح وأشوف اللي راجع.
وولادك رجعوا بأيدهم كل الحق اللي ضايع.
وما ألاقي فيهم ولا جواهم أية مواجع.