النوبة يعني التاريخ يعني الأصالة

النوبة
النوبة يعني التاريخ يعني الأصالة. و بكل تأكيد هي مهد الحضارة.
النوبة هي النخيل على ضفاف النيل. و أرض خصبه ما ليها في الدنيا مثيل.
النوبة أرض الخير أرض الدهب. و كل ما فيها أحلى ما المولى وهب.
النوبة أرض الأهل ، أرض الجدود. و حبنا و عشقنا ليها مالو حدود.
النوبة يعني الشمس الدفيه و الجو الجميل. و لمه الأهل في المسا تشفى القلب العليل.
النوبة يعني الحبه السمره، و القلوب الطيبه النقيه. و بالحب يقابلوك و البسمه على الوجوه مستنيه.
النوبة يعني الرجولة يعني المجدعه يعني الصديق. و في الشده أهلها تلاقيهم جنبك رجاله أووي نعم الرفيق.
النوبة يعني الست الأصيلة اللي تشيلك وقت الشده. و بالحسنه و الرقه تتعامل مش بالحده.
النوبة يعني العادات الجميلة و البر و الإحسان. أيد واحده كلنا في الفرحه و قبلها في الأحزان.
النوبة يعني التكافل و الحب و العمل الاجتماعي. و بهموم الأخ و الأهل و الجيران الكل مبالى.
النوبة يعني الهدوء و الجمال و الأمن و الأمان. لوحة جميلة من قرى مصر بتاعت زمان.
و مهما عملوا و حاولوا عشان يشتتونا. بحبنا لبعضنا و وحدتنا عمرهم ما يفرقونا.
و الله نفسنا نرجع و نتلم فيها كلنا. و نقضى فيها بقى اللي باقي من عمرنا.