قصيدة ... ليه التجااافي

ليه التجااافي....
أربع ليال الصدر مطبوق ضايق...
همٍ(ن)يصدر به وهمٍ(ن)يجيبه...
لولا الدموع أطفي بهن الحرايق...
كان انتهيت وصارت أكبر مصيبه...
من سبتك ياللي زرعت الفرايق...
وين الوعود السابقه للحبيبه...
أيام تطلب ودنا كنت لايق...
وش غيرك صارت فعولك غريبه...
ليه التجافي والجفا للحقايق...
بدلت لأيام الرخا بالعصيبه...
إن كان طقت البعد ماني بطايق...
البعد ذبحة قلب منهو يصيبه...
سلكت من شأنك جميع الطرايق...
وأخر مشاوير الغرام الكئيبه
...
حطيت من بيني وبينك عوايق...
وأشعلت في قلبي وقايد شبيبه...
ما تنطفي والفكر ما هو بفايق...
ما دام أعاني من مواجع رهيبه...
باق العمر والصدر مطبوق ضايق...
همٍ(ن)يصدر به وهمٍ(ن)يجيبه...