ورقه من محضر سري

_ ابني اختفي
كان هو حلمي ، بعد اما
ضاع كل حلم
حلمت بيه
3 سنين واحنا بندعي
ربنا ،
يبعت لنا عيل يفرح قلبنا
رجلينا حفيت بين
الشيوخ والادوية
وماكانش في ابدا امل
لكن برحمة ربنا ، جات
البشارة
ما هو اصل دايما ربنا ،
بيحب الفقاره
واحنا عايشين جوه حاره
كل ناسها ناس فقاره
ملناش في حاجة غير
الشقا
=
انت جاي تحكي حدوتك
حياتك
اخلص يا زفت ، كان اسمه
ايه
وابنك ده تايه من قد ايه
وفي حاجة فيه بتميزه
_ ابني يا بيه
اسمر وطيب
ايدية طرية، ذي طراوة
النسيم
ورجليه ماحفظتش الطرق
كان نايم جوه حضني
فجأه اختفي
ما عرفش مين اخده يا بيه
ما عرفش فين اتخطف
كان اسمه مصري
وحتي اسمه كان صدف
وعمره 12 سنة
_ مكتوب في محضر
عندنا
انه مجرم متهم تهمه
كتير
انه كان عيل حقير
لكن بيحلم
انه يبقي في يوم امير
انه دمر منشأت
انه موت ناس كتير
انه كان رافض يعيش تحت
الحصير
زعيم عصابه ، من كيما و
لحد الرشيد
وانه كان جاسوس ، عميل
وانه كان رئيس خلية ،
هدفها زعزعة النظام
وكان بيكتر في الكلام
_ خلية ايه؟
معقول يا بيه!
دانا حتي قبل ما يتفطم
معلمه من خاف يعيش
واننا اصلا مفيش ،
ومنساويش اي شئ
ابني حلم!؟
ومنين يجي له الحلم ده
و هو ليل و نهار بيصرخ
نفسي انام من غير
كابوس
ابني انا يقتل ناموسه
ده كان بيخاف من اي حاجة
لونها احمر
لو شاف ضراه يجري يتخبي
في حضني
معقول يا بيه اكيد مش
ابني
= يعني احنا كدابين
اما انك حيوان صحيح
_ فشر يا بيه
يتقطع لغوغ لسان من
يقول كدابين
طاب ادهوني هربيهولك
من جديد
هحبسه في البيت سنه
و هضربه الضرب الشديد
= طاب يله يا ابني امضي
هنا
بأنك مستلمه سليم
بس هات و ياك كفن
وحد يجي يغسله
و يضمنه و يضمنك
و اوعي اشوف وشك هنا
لو شوفته تاني هتحصله ،