يارب اجعلني.......كلمة حق

وايه ذنبي...انا وياك...؟
تهاجمني.......وتقتلني
انا جندي
حارس ليك
باسهر لك علي امنك
بأمن ليك...حدود وطنك...وآااامني
.................................
مش لجل انت...تتفرعن
وبسلاحك.........بتتحصن
وبسم الدين
تغدر بيا...............ترهبني
انا بيني.........وبينك رب
عالم بيك
كمان بيا
مين خافه...ومين هو...مستغني
..........................................
ابه هتقله........؟
يوم الدين........لو سآلك
انا وكلتك انت الناس...؟
خليتك..........ولي الامر
عشان تئذيني في خلقي وتخدعني
ولا خليفة لي في الارض
عشان تعدل...ولا تظلمش
تحرث...تزرع فيها
ترويها...متبورش
تتعلم.............كمان تصنع
ومتهدش في مين يبني
.................................
يا شئ...انت
كنت مهين
بص ازاي... وليه...ومنين
كان خلقك.....؟
ومن نفسك...خلقتلك
كمان زوجك
تسكن ليها وتسكنلك
ومن صلبك
باصورلك...انا تاني من صورتك
وهبتك انت ذرية
عشان بيهم تكون عزوة
عليهم راعي
ليهم قدوة......ووياهم لتعبدني
.......................................
ياقاتل نفس...ايه عذرك...؟
عظيم ذنبك
دي قتل النفس عند الله
كبرها
حرمها...الا بحد
فيه الحكم...والشرع...والقاضي
مش بالتار...ولا بالنار
او في الغابة...ارهابي متجني
دفاع عن نفس من مجرم
نقول جايز
جهادك في سبيل الله علي الاعداء
وتستشهد
كمان جايز
ولا ننشق...نتصارع علي دولة
ساكننها
وطن واحد...نكون اهله
ايد في الايد
نرد الكيد
محتاجك.....ومحتاجني
..............................
مينفعش...نكون لعبة في ايد الغير
ماليهم شر...والكدبة بيسعو لخير
بلاش نبقي حطب نارهم
نمكن فينا...تتارهم
هنرجع تاني رغم الشوك
ايدين للورد........راح تجني
حريتنا..........ليها اصول
صوت العقل.....والمعقول
عمل وايمان وعلم يعين
ولا وصاية.....من جني
............................
يارب
اجعلني كلمة حق
ضمير صاحي...ما تغرش
فكر ورأي...ينفع بس مايضرش
بصر بيه...عقول حية
عقول غايبة
امانة هيه.....و
التكليف.......حمل تقيل....!1
في القرآن
علي السموات والاراضين
عرضها الله
محدش منهم اتحملها
رفضوها واعتذروا.....و
احنا حاملينها....واااامني
.........................
هنستغفر
هنندم عاللي قاصدينه
ومش قاصدينه من كلمة
تثير فتنة.........تشق الصف
او بالباطل ...توجهني
هنرجع عن دعاوي الجهل
ننبذ عنف نلقي السهل
بلاغ للناس....يارب اشهد
يارب استرها...واسترني