قصيدة ... *رومانسية وطنية*

يا ام الوجع والنيل
الهم قاتلنى
والفقر ع الكفين
عمّال يشاغلنى
خايف لتوه منى
يا مين يفهمنى
لو تاهت الموازين
العدل ييجى منين؟
************** قالو زمان الحب
دا غيّة الفاضى
انا قلت ليه يعنى
منحكّم القاضى
القلب ليه مكوى
متقولّى يا سيدنا
فين الدفا والفرْح
الهم صار بيتنا!!
**************
يا دُرة الأوطان
يا عزوة اللمة
ضمينى ف احضانك
لمى الضلوع يا امه
انا اصلى محتاجلك
ولا عمرى يوم هسكت
ولا هلبس العِمّة
حتى اسالى حطين
انا أصلى يا غالية
دمى صلاح الدين
*************
انا قلت يا سامعين
اصلى هنا شارد
بين الشمال ويمين
الفجر هيعاود؟
ولا احنا مش فاهمين؟
*****************
يا كلمة من قلبى
يا كل تكوينى
الحب ليه ذنبى
والغدر كاوينى
لو كان على حبى
هحلف عليكى يمين
لاهرس دموع قلبى
وارميها ع الشطين