يا أماي

يا أماي ايه السبب في اللي بيجرالي طول عمر حزني كبير وف قلبي متداري الدنيا هي كده واللا أنا اللي مش داري ردي علي ريحيني جاوبي علي سؤالي.
***
من غير حساب فرقت حبي علي أحبابي أديت كتير من كل قلبي أهلي وأصحابي وبقيت وحيد مستني دقة علي بابي الكل راح بعد ما راح مني شبابي.
فيه ناس قالولي هو أنت اللي علي حق وكل الناس بتأخذ منك وأنت لأ قلت اسألوا قلبي اللي دايب لما دق واللي في يوم ادي علشان هو أرق.
***
يا أماي لما بسألك حالي بقي حالك لما حكيتي بحرقتك علي اللي بيجرالك وقلتي القسمة كده مكتوبة بميلادك يا أماي امتي اللقا وأغرق في أحضانك
إيمان يوسف النجار اسكندرية