ثورة يناير

كتبتلك أنى بحبك على الكفوف
نسجتلك غنوة بتضوى على الدفوف
الفرح شوف
مبدور على أطهر نقوش
منتيش أنا لكنى واحد من ألوف
بعرف أقبلك
وأوعدك وأن غبت أوفى فى العلن
الخوف معدلوش أمل
دمعك مقطر
ياندى على فرع أخضر بالحياة
أسهر وأشرق فى السطور
أبدر مشاعرى كالبذور
أطرح أنامل
أطرح سنابل أطرح معامل
ومكن يدور
أرفض أقايضك بالفلوس
وفى شكوتك أنا أعيش كابوس
لما الخرس ساد النفوس
أنا كنت يوسف فى العجاف
وفصلت بعصا موسى الميدان
فالشعب قام
وناديت على كل النيام
وداريت ملمحى فى العباد
عاشق وأجود بالروح
أشهد بأنك قبة سما
وبرج ناسج مآئذنة
الموت طريق للأزمنة
يوم السنابل المائة
متغيريش فى
ساكن ضفيرك على ضفتين
سابح فى خطوك للحسين
نادر فى ديرك أنى أصوم
رغم المتاهه والظنون
ثورة ميدانك فى يناير آيه وعظة
فاستقبلى خاتم نبوة معجزة
الشوق وأخدنا للميدان
فاتحرري رغم اللئام
صوتك جرس ملو الآدان
رج اللي خانك فى المكان
الطاغى مات
ومسيحيك الصاعد ده عاد
فاتحررى معطرة بدم طهر الثرى
فاتحررى يا أم البلاد .