أوعدك ....لو هبت رياح إبريل أتذكر إنك كنت كذبة بحياتي ..أوعدك لو طالت بي السنين عمري ما أنسى ظلمك وغدرك ....أوعدك لو عادت أوراق الشجر تحتضن أغصان الخريف هم راح أوعدك لو طلعت نجوم الليل وسط النهار لو جفت ينابع القهر وقالوا الكون عمته أنوار الأمان والله أوعدك إني أكذب كل الناس وما أصدق إني خل وعشير كنت لك ووأزيدك من الشعر بيت راح أصدق كل كذبات إبريل وما أصدقك أوعدك ...لو ما في بحور دنيتي مرسى وقليبي مركب صغير يصارع كل أمواج البحر ...وقالوا إنت مرساي الوحيد أوعدك ...إني أفضل أصارع أعاصير الشوق وأنسى حبك أوعدك ...إني أموت بأحضان غربتي ولو كنت إنت الوطن الوحيد أوعدك ..إني ما أعود للي حسبته في يوم أكثر من حبيب ....وتنكر لي في عز ما كنت أنور لك شموع قليبك الحزين وأحترق عشانك مثل شموع العمر بعز فرحتي وشوقي إليك فجأة ذبلت كل ورود الأمل بقلبي يوم ناديتك من كل أعماق قلبي أدور عليك مالقيتك من يومها ...يمي ؟؟؟ ما لقيت إلا وسط الأحزان مزروع الخوف .... والشوق بأحاسيسي وقلبي ولقيت نفسي وحيدة وشجون عمري تبتسم لي ويأسي واليوم بعد ما طالت بيها السنين كل جروح قلبي ما زلت يا روح ...الروح والله عند وعدي ومازلت أقول ....أحبك ....وأحبك ومازلت تقول ...ما ظنيت ...ما ظنيت توعديني وعلى العهد تبقي ؟؟ ما دامك عارف ...إني صرت غدار مثلك رغم حبي ليش جاي اليوم على فراقي تبكي وتقول .... أوعديني ليش إنت أوفيت من قبل بعهود قلبك ؟؟؟ إنت قطعت كل حبال العهود اللي بينك ...وبيني وما خليت بحياتي أمل واحد أحيا عليه عهد واحد أوفي فيه حبل واحد أجدد منه في بحور حبك عهدي تبيني اليوم أوعدك ؟؟؟؟ حاضر ولا يهمك عشان عشرة الحب اللي إسكنت صوبك بقلبي أوعدك إنك تكون عابر سبيل لا...لا...سجان ياما تلذذ بجروح قلبي واليوم الله هداك وفكيت أسري تبي الطير بعد ما شربته المر وكان يأكل من إيدك كل يوم حبوب الغدر تبيه اليوم يوفي بكل عهوده ؟؟؟ وبعد ما صار حر ...طليق بالسما تبيه يرجع بكامل إرادته يا روحي للأسر تبيني أوعدك ؟؟؟ صدقني راح أوعدك لو قالوا إنه الشمس اليوم من الغرب أشرقت صدق الناس يا عمري ولا تصدق في يوم إني راح أوعدك وأرجع لك بعد ما خنت عهدي دور على غيري يمكن يصدق كذبتك *********
